Безнең  татар  халкында “Үткәнен белмәгән  халыкның  киләчәге  юк ”-диләр. Шуңа күрә без  укучыларыбызның кече яшьтән  халкыбызның  тарихын, гореф-гадәтләрен белеп үсүләрен телибез. Боларның  барысын  да  тормышка  ашыруда  музейларның  әһәмияте зур. Яшь буынны шул рухта тәрбияләү безнең бурычыбыз. Үзеңә кирәкне күп тапкыр  ишеткәнче, бер тапкыр  күрү, гомер буена  истә калырга ярдәм итә. Шуны истә тотып ,без  1а сыйныфы укучылары белән гимназиябездә оештырыпган  “18нче   укчылар дивизиясе” музеенда булдык. Укучылар музей җитәкчесе Фәйрүзә Раифовна сөйләгәнне бик кызыксынып  тыңладылар,  музей экспонатларын җентекләп күзәттеләр Һәм  үзләрен  кызыксындырган  күп кенә сорауларга җавап алдылар.