А.П. Чехов сүзләре хак әйтелгән : "Укытучы - артист, рәссам, үз эшенә кайнар мәхәббәт белән караучы кеше ул! ". Ялган булмас, безгә калса, укытучы теләсә нинди һөнәр иясе була ала.

      11 апрельдә Антон Павлович әйткән сүзләргә тагын бер кат инандык. Мәдәният институты студенткасы Ләйсән, режиссёр буларак, тамашачыларны янәдән шаккаттырды. Каникулга киткәнче, гимназия укучылары белән “Әни килде” спектаклен бирелеп караган булсак, каникулдан соң укытучылар белән өр яңа спектакль – Г.Камалның «Бүләк өчен” комедиясен кайнар алкышлар белән кабул иттек. Фәридә Аскаровна, Рәисә Ивановна, Ильяс Мулланурович һәм Илдус Фирдүсович катнашында куелган спктакльдән өзек барлык тамашачылар тарафыннан бик җылы кабул ителде. Ләйсәннең остазлары һәм җитәкчеләре аның эшенә зур бәя бирделәр. Ә без, тамаша залында утыручы коллегалар, гимназия укучылары үз укытучыларыбыз өчен горурланып һәм эчтән сөенеп утырдык. Барысы да булдырдылар, афәрин!