Көннәр язга авышкан гүзәл бер мәлдә гимназия бездә матур бер очрашу кичәсе узды. Әлеге очрашуга күренекле шагыйрә, "Түгәрәк уен" журналының баш мөхәррире Илсөяр Иксанова, журналист Гөлсинә Хәмидуллина, әдәбият галимнәре Минһаҗева Ләйлә Ихсановна, Җамалиева Луиза Фирдүсовна, кадерле кунагыбыз - Төркия университеты укытучысы, аспирант Четин Йолдыз килгән иде. Кичә "Һәр кешедә бер матурлык яши " дип аталып, Илсөяр Иксанова иҗатына багышланды. Гимназиябез укучылары, практика узучы апалары белән бергәләп, матур итеп аның шигырьләрен сөйләделәр, кызыклы , гамьле әңгәмәдә катнаштылар. Шигырь бәйрәме җыр - моң белән үрелеп барды. "Ничә көн Казанда яшәп, чын татар рухын мин монда тойдым",- диде Четин әфәнде.