Бүген гимназиядә тәрбия эшләре буенча "Белем һәм тәрбия бирү эшчәнлегендә укучыларның сәламәтлеген саклау һәм ныгыту" темасына педагогик киңәшмә узды. Киңәшмә барышында укытучылар укучыларның физик, психологик сәламәтлеге, сәламәт туклану сораулары, гимназиядә "Сәламәтлек сукмагы" программасы астында эшләү тәҗрибәсе буенча фикер алыштылар. Педагогик киңәшмәне теоретик чыгышлардан кала, практик өлешләр тулыландырып торды - укытучылар дәрестә куллана алырлык яңа физик күнегүләр белән уртаклаштылар.