Хезмәт базарында бүген белгечлекләрнең ниндие генә юк! Замана алга барган саен, аларның төре һаман арта тора, шуңа да абитуриентларның башлары әйләнә, кайсын сайларга да белмәссең.Тормышта үз юлыңны, үз һөнәреңне табу бик җитди мәсьәлә, ялгышлык ясау кыйммәткә төшәргә мөмкин. Күңеленә ятмаган һөнәр сайлаган кешенең укуы да, эше дә шул чама гына, ул бернинди рәхәтлек китерми.

      2 апрелда  8-11нче сыйныф укучылары “Казан ярминкәсе” күргәзмә үзәгенә бардылар. “Белем алу. Карьера” 14нче  белгечлек күргәзмәсендә укучылар төрле уку йортлары белән якыннан таныштылар, шулай ук нинди һөнәр сайларга дип икеләнгән укучылар өчен тест үтү, консультация алу  мөмкинчелеге дә булды.