Юнеско тикшерүләре буенча, дөньяда  14 тел бар, аларны белсәң, җир шарындагы халыкның өчтән икесе белән аралашырга мөмкин. Әлеге телләр арасында төрки телләр  төркеменнән булган бердәнбер тел - татар теле урын алган. Туган телебезнең кулланылыш даирәсен киңәйтү, яшьләребез арасында аның популярлыгын арттыру максатыннан, республикабызда шактый күп эшләр башкарыла. Шушы көннәрдә, М.Җәлил исемендәге опера һәм балет театрында, Халыкара олимпиаданың ябылу тантанасын зурлап уздырдылар. Бәйрәмдә Татарстан республикасы президенты Р.Н.Миннеханов, Премьер-министр урынбасары- мәгариф һәм фән министры Э.Н.Фәттахов чыгыш ясады. Әлеге чарада безнең гимназиянең татар теленнән уңышларга ирешкән бертөркем укучылары катнашты.