Яз килеп, бар дөньяны яшеллеккә күмде: агачлар, куаклар гимназия тирәсен яктыртып, нурга күмде, ә бакчабызда беренче чәчәкләр хуш исләрен таратып, инде көн саен безне шатландырып торалар. Бакчабызның чәчәккә күмелүе юкка гына түгел, апрель башыннан ук гимназиябез "Чәчәкле Казан" акциясенә кушылды. Шәһәребез мэры И. Метшин сүзе буенча, Казанда Балалар яклау көненә барлык чәчәкләр атырга тиеш. Моның нигезендә шәһәргә карата мәһәббәт һәм тирәдәгеләргә карата  хөрмәт булып тора. Без дә шул максатта эш йөртүебез белән горурланабыз!