Бүген 4б сыйныфы кабинетыннан моң-аһәнлек агылып тора... Сәбәбе нидә соң? Эш шунда, бүген бездә Республика традицион мәдәниятне үстерү үзәгенең алдынгы фәнни хезмәткәре, балалар бию ансамбле җитәкчесе Умеров Дәүләт Исмагил улы һәм Татар дәүләт филармониясенең артисты Ганиев Ильнур Шагит улы кунакта. 

Дәүләт Исмагил улы белән Ильнур Шәгит улы безне чын милли моңнар дөньясына сәяхәткә алып киттеләр. Монда төрле милләтләрнең гореф-гадәтләрен күрсәтү дә, милли уен кораллары белән танышу да, хәтта милли бию мастер-классы да узды. Укучылар уен кораллары белән танышып кына түгел, ә чын оркестр оештырып, үзләренең талантларын күрсәттеләр. Ике сәгать вакыт бер мизгелдә узып китте... балалар үзләренең милли тамырлары белән күрешүләрен күп елларга йөрәкләрендә саклап калырлар дип өмет итәбез...