9нчы май... Бөек җиңүнең 70-еллыгы... Әлеге датаны бүген илебездә билгеләп үтмәгән бер генә кеше дә юктыр, мөгаен. Сугышта Җиңү яулый алган ветераннарыбызга, аның әчесен татыган тылда хезмәт итүчеләргә, сугыш чоры балаларына без чиксез рәхмәтебезне белдерәбез, һәм бүген алар белән бәйрәм итеп, шатлыкларын уртаклашабыз,саулык-сәламәтлек телибез!

Бүген, бәйрәм кысаларында, тантаналы рәвештә реконструкцияләнгән Җиңү паркы ачылды. Гимназиябезнең 8а сыйныфы укучылары (сыйныф җитәкчесе Высотина Е.Н.) яңартылган Мәңгелек ут, мемориаль зона һәм "Хәтер китабы" дип исемләнгән тарихи-архитектур комплексы, ветераннар хөрмәтенә утыртылган парк аллеясы, ачык һавада ачылган хәрби техника музее экспонатлары белән таныша алдылар. Шулай ук бәйрәм чаралары кысаларында Җиңү паркында рәсем, шигырь уку бәйгеләрен күрделәр.