7 нчы декабрь көнне мәктәптә “Халык сәнгате һәм матди булмаган мәдәни мирас елы”н йомгаклау республикакүләм чарасы уздырылды. Чарада Татарстан Республикасы Президенты каршындагы Татар телен саклау һәм үстерү мәсьәләләре комиссия җитәкчесе, Татарстанның Дәүләт Советы Рәисе урынбасары Марат Готыф улы Әхмәтов, Татарстан Республикасы язучылар берлеге рәисе урынбасары Рифат Җамал, Казан дәүләт федераль университеты каршындагы Каюм Насыйри институты директоры Йосыпова Әлфия Шәүкәт кызы, Казан дәүләт мәдәният һәм сәнгать институты укыту – методик эшләр буенча проректор вазифаларын башкаручы Малахова Лилия Әдһәм кызы, “ТИСБИ” идарә университетының югары уку йортына кадәр белем бирү үзәге җитәкчесе Земскова Вероника Николаевна катнашты.
Чара Каюм Насыйри скульптура композициясе һәм аның иҗатына багышланган күргәзмә белән таныштырудан башланып китте.
Мәктәпнең спорт залында Республика көрәш федерациясенең башкаручы-директоры Таһиров Марсель Шәрифҗан улы җитәкчелегендә “Каюм Батыр” дип исемләнгән татарча көрәш оештырылды.
Актлар залында исә милләтләр дуслыгына багышланган Халык иҗаты фестивале үтте, мәктәптә укучы төрле милләт вәкилләре үз җырлары, биюләре белән таныштырдылар. Татарстанның Дәүләт Советы Рәисе урынбасары Марат Готыф улы Әхмәтов, укучылар иҗатына һәм мәктәп эшчәнлегенә югары бәя бирде.

Фотолар