Конституция көне Татарстан өчен иң мөһим бәйрәмнәрнең берсе булып тора. Кадерле якташлар, милләттәшләр, барыгызны да Татарстан Республикасының Конституциясе көне белән тәбрик итәбез, сезгә саулык-сәламәтлек, киләчәк көннәргә ышаныч һәм уңышлар телибез.

 Бәйрәм белән!

4 ноябрь – Халыклар бердәмлеге көне. Халыклар бердәмлеге көне тирән рухи мәгънәгә ия. Ул безне бердәм булырга, ата-бабаларыбызның каһарманлыгын хөрмәт итәргә өйрәтә. Бу көн – илебез тарихына хөрмәт белдерү һәм аның данлыклы традицияләрен дәвам иттерүнең бер күркәм билгесе. Дәүләт күләмендәге бу бәйрәм 1612 елгы тарихи вакыйгаларга барып тоташа. Халыкара бердәмлек көне буларак, 2005 елдан билгеләп үтелә.

Халык бердәмлеге көненә багышлап бакчабызда чаралар үтте һәм үтәчәк. Өлкәннәр төркеме туган илебездә яшәүче халыклар белән, аларның бизәкләре белән танышты, баш киемнәрен киеп карады. Шулай ук Рәсәй флагы рәвешле күмәк иҗат эше ясады.

Филиалда татар төркеме халыклар бердәмлегенә багышланган почмак ясаган, кечкенәләр һәм мәктәпкә әзерлек төркеме таныштыру шөгыльләре үткәргән. 

Шулай ук төп бинада бәйрәм узачак. Балалар әз булу сәбәпле, ул соңарып үткәреләчәк.

Бакчабызда ЮХИ көне уңаеннан төрле чаралар үткәрелде.

Шигырь бәйрәмнәре  - безнең күптәнге файдалы һәм кызыклы йолабызга әйләнеп бара. Елдан ел төрле кызык темалар алырга кабатланмаска тырышабыз. Кайбер төркемнәр аеруча актив, мәсәлән, өлкәннәр төркеме. Бу конкурсны яратып, татар телендә бик күп шигырь сөйләүче булды.

Бу елны төп бинада көзге бәйрәмнәр Икмәккә багышланды. "Икмәк - тормыш нигезе" дип аталган бәйрәмнәр җырлы-биюле күңел ачу булып узды.

Кояшның җылы нурларын,

Җир җылысын саклап үзендә,

Күкрәкләргә терәп кисәр икмәк

Һәр табынның тора түрендә.

Филиалда күңелле итеп көзге бәйрәмнәр узды.

Һәр елдагыча безгә бу көнне иң яраткан, хөрмәт иткән кунакларыбыз килде. Балалар белән бергәләшеп педагоглар бик күңелле концерт әзерләделәр. Чәй табынын да күмәкләшеп гапләшеп үткәрдек.

Бакчабызда "Көз сихерләре" исемле кул эшләре күргәзмәсе туплау бара. Бөтенегезне чакырабыз. Әлегә алдынлыкны уртанчылар төркемнәре ала.

Бүген бакчабызда профсоюз вәкилләренә яңа электрон билетлар тапшыру тантанасы узды. Профсоюзның уңай һәм файдалы якларын исбатларга коллективка кунакка Джузе, Карлсон, Фрекен Бок килде. Алар Фунтик һәм Беладоннаны профсоз вәкиллегенә кабул итте. Шулай ук коллективның активларын район профкомы грамоталары белән бүләкләү дә булды.

Бу атна шәһәркүләм Яхшылык кылу атналыгы дип игълан ителде. Безнең яңа килгән кечкенәләребез дә бу атналыкка кушыла. Алар дуслык көнендә коллектив кул эше ясап, үзләренең дуслыгын күрсәтә.