Бүген 8 март -Халыкара хатын -кызлар көненә багышланган "Ягез эле, кызлар!" бәйгесе оештырылды. Уенда "Йолдызлар" һәм "Татар кызлары" командалары катнашты. Бик кызу төстә барган бәйгедә 60:57 исәп  белән "Татар кызлары" командасы җиңү яулады.  Барлык әниләрне, кызларны бәйрәм белән тәбрик итәбез.

Бәйрәм белән котлыйм әле кызлар!

Безнең бәйрәм-язлар бәйрәме.

Ак бәхетләр генә теләп торсын

Кулыгызда чәчәк бәйләме.

Рәхәтләнеп көлеп яшик әле

Боегу ул сезгә килешми.

Сәләмәтлек, тыныч тормыш сезгә

Алып килсен язлар килешли.

Барыбызга кояш нурын сипсен

Бүләк итеп якты көннәрен.

Бирсен Раббым карап сокланырга

Матур-матур тормыш гөлләрен.

Һәрбер көннең кадерләрен белеп

Яшик әле, әйдә гөрләшеп.

Иртән искән назлы җил егете

Йөрсен сезгә бәхет өләшеп.

Бәйрәм  белән сезне!

Бүген 1 нче сыйныф укучылары өчен "Рәхмәт сиңа, Әлифба!" дип исемләнгән бәйрәм кичәсе үтте. Балала яраткан китаплары белән саубуллаштылар, аңа рәхмәтләрен җиткерделәр. Бәйрәмдә укучыларның әти-әниләре дә катнашты.

Ватанны саклаучылар көне уңаеннан бүген "Егетләр, көч сынашыйк" диеп исемләнгән бәйге үткәрелде. Ярыш "Моряклар" һәм "Батырлар" командасы арасында бик кызу төстә барды. Нәтиҗәдә 55 балл туплап, "Моряклар" командасы җиңде. "Батырлар" командасы да алардан калышмады, алар 52 балл туплады.Барлык ир-егетләрне бәйрәм белән котлыйбыз.

Бүген Халыкара туган тел көне уңаеннан "Зирәкләр һәм тапкырлар бәйгесе" үткәрелде. Әлеге бәйгедә ике команда көч сынашты. Гомуми нәтиҗәләр буенча "Тукай оныклары" - 75, "Тел белгечләре" командасы 68 очко туплады. "Тукай оныклары" командасын чын күңелдән  җиңүләре белән котлыйбыз. 

Бүген герой - шагыйрь Муса Җәлилнең туган көне. Шул уңайдан "Гомерең синең моңлы бер җыр иде..." дип исемләнгән кичә үткәрелде. 

Мәктәп китапханәсендә "Туган телем - иркә гөлем" дип исемләнгән китап күргәзмәсе эшли.