Сегодня, 26 июня 2019 года, в школе прошел легкоатлетический кросс под девизом: "Россия - территория без наркотиков".

Бүген лагерьда “Россия-наркотикларсыз территория” исеме астында чара үткәрелде. Аннары балалар, шушы теманы дәвам итеп, брейн-рингта катнаштылар. Көндезге аштан соң мәктәп музеена сәяхәт оештырылды.

Көнебез иртәнге зарядка белән башланып китте. Повар Гүзәлия апабыз пешергән тәмле ашларны ашагач, мәктәп яны бакчасында эшләп алдык. Аннары Сабантуй бәйрәме үткәрдек.

22 июнь – Хәтер һәм матәм көне икәнен искә алып балалар һәйкәл янын чистарттылар. Сугышта үлгән бабаларыбызны бер минут тынлык белән искә алдылар.

20 июнь – Бөтендөнья филләрне зоопаркларда яклау көне уңаеннан филләр турында кызыклы фактлар белән таныштык. Аннары укучылар рәсем ясадылар һәм кул эшләре белән шөгыльләнделәр.

Бүген лагерьда “Сәламәт яшәү рәвеше” темасына сөйләшү булды. Кунакка авылыбыз фельдшеры Фәйрушина Р. Г. кергән иде. Соңыннан балалар шушы темага рәсем ясап ярыштылар.

Бүген безгә кунакка Зәй шәһәре үзәк китапханәсе  һәм “Космос” кинотеатры хезмәткәрләре килде. Башта алар балалар белән төрле уеннар оештырдылар. Аннары “Байкальские каникулы “ исемле кино күрсәттеләр. Төшке аштан соң балалар дару үләннәре җыйдылар.

Бүген көн бик күңелле үтте. Укучылар чишмә буена төштеләр. Чишмә территориясен җыештырдылар. “Терроризм-нәрсә ул?” темасына әңгәмә үткәрелде. Шушы темага карата презентация карадылар. Спорт мәйданчыгында волейбол уйнадылар.

Мәктәп яны бакчасында эшләгәннән соң, “Джунгли чакыра” дигән ярыш-уенда көч сынаштылар.

Буген лагерьда “Юл йөрү кагыйдәләре” исемле ярыш үтте. Укучылар, командаларга бүленеп, юл билгеләре буенча белемнәрен тикшерделәр.