“Кояшкай” балалар бакчасында “Туган ягым – минем горурлыгым” темасына багышланган шигырь сөйләүчеләр бәйгесе узды. Бәйгенең максаты - балаларда туган җиргә, туган телгә, аның халкына ихтирам, үзара дуслык, татулык сыйфатлары тәрбияләү. Барлык чыгыш ясаучылар да зур әзерлек белән килгәннәр. Һәркем үз шигырен барысыннан да яхшырак укырга тырышты. Көчле алкышлар яшь шигырь укучыларны дәртләндерде. Бәйгедә катнашкан барлык балалар да дипломнар белән бүләкләнде.