Муса Җәлил – олылар һәм балалар өчен бик күп әсәрләр иҗат иткән бөек шагыйрь. Без аның иҗатын балалар бакчасында ук өйрәнә башлыйбыз. М.Җәлил әсәрләре аркылы балалар яхшылык белән начарлыкны аерырга өйрәнә, батырлык һәм куркаклык сыйфатлары белән таныша.   Бүген “Кояшкай” балалар бакчасында, туган телгә өйрәтү буенча тәрбияче Миннебаева А.Ф һәм музыка җитәкчесе Ялозюк Г.А. җитәкчелегендә, Муса Җәлилнең 115 еллыгына багышланган әдәби-музыкаль чара узды. Балалар кечкенә Җәлилнең тормышы белән таныштылар, балалар өчен язган шигырьләрен укыдылар, ул кечкенә чакта яратып уйный торган уеннарын уйнадылар. Физкультура җитәкчесе Шәйхетдинова Г.А. мәктәпкә әзерлек төркеме балалары белән парад маршын әзерләде. Балаларның чын солдатларча атлап җыр башкарулары бәйрәмне ямьләндереп җибәрде. Шагыйрьнең батырлыгы – безнең өчен горурлык. Шуңа күрә без М.Җәлилнең бай иҗатын күбрәк белергә, балаларга тирәнрәк өйрәтергә бурычлы.