Бабаларыбыз элекке вакытларда Ай һәм Кояш календаре буенча яшәгән. Яңа елның беренче көне итеп көн белән төннең тигешләшкән вакытын исәпләгәннәр. Татарлар аны "Нәүрүз ае" дип йөрткәннәр. Нәүрүз - язгы бәйрәм. Бу гүзәл бәйрәм көнендә кешеләр бер-берсенә кунакка йөриләр,  җырлыйлар, бииләр, рәхәтләнеп күңел ачалар. «Алтынчәч» балалар бакчасы да шушы уңайдан гимназиябезнең беренче сыйныф укучыларын кунакка чакырдылар. Бергәләшеп күңелле ярыш-уеннар, эстафеталарда катнаштылар. Халкыбызның йолаларын, гореф-гадәтләрен  балаларга өйрәтү максатыннан оештырылган "Хуш киләсең Нәүрүз" дигән бәйрәм һәрберсенең күңелендә сакланып калырлык булды.  

Туберкулез – киң таралган йогышлы чирләрнең берсе. Медицинада аны ачыклауның һәм дәвалауның нәтиҗәле ысуллары булса да, туберкулез кеше гомеренә һәм сәламәтлегенә зур куркыныч тудыручы авыру. Бу авыруны булдырмау һәм саклану юллары буенча гимназия укучыларына лекцияләр укылды.

Кошлар язмышы күп очракта кешенең яхшы мөгамәләсенә һәм изгелегенә бәйле. Шундый мәкаль дә бар: "Ач хәлен тук аңламас", шуңа күрә дә канатлы дусларыбыз кеше ярдәменә мохтаҗ.  Гимназия укучылары  да кошларга карата битараф түгел.  Технология укытучысы Бариев Рафил Миниразимович белән берлектә укучылар җимлек эшләделәр, аларны  гимназия янындагы агачларга элеп чыктылар. Һәр җимлеккә кошлар өчен азык салынды.