Бүген татар теле тәрбиячесе Ханнанова А.А. һәм физкультура инструкторы Морозова Е.А. татар халкының милли “Сабантуй” бәйрәмен уздырдылар. Башта шәһәр “Сабантуй” бәйрәме турында сөйләштеләр, нинди уеннар уйнаганнарын искә төшерделәр, аннары балалар үзләре төрле уеннарда катнаштылар. “Ат чабышы”, “Кашыкка күкәй куеп йөгерү”,  “Бау тартышу”, “Чүлмәк вату”, “Капчык киеп йөгерү”, “Мендәр белән сугышу” һәм башка уеннарда балалар бик теләп уйнадылар. Балаларның күңелендә бу бәйрәм якты һәм күңелле булып калды .