Бүген узган атна йомгакларына багышланган линейка булып узды. Анда  9 класс укучылары арасында  хәрби комиссариат тарафыннан уздырылган  "Юнармеец"  конкурсында җиңү яулап  2 урынга лаек булган   Давлетов А.  грамота белән  бүләкләнде.
 

Язгы мәрхәмәтлелек атнасы кысаларында мәктәп китапханәсендә "Китапларга беренчел ярдәм" дигән  чара үтте. Укучылар тышлары таушалган  китапларны дәвалау эшенә керештеләр.  Укучылар белән  "Китапны ничек сакларга һәм кадерләргә?" дигән темага әңгәмә уздырылды. Әлеге чараның максаты: балалар күңелендә китапка карата мәхәббәт һәм сакчыл караш тәрбияләү. 

Актаныш районында 8 март көнне район предприятиеләре һәм оешмалары арасында ТАССР оешуга 100 ел тулуга багышланган традицион кышкы спартакиада үтте. Мәктәп директоры Салихова И.С гәүдә күтәрелү буенча чыгыш ясап, 2 урынга лаек булды. Афәрин, котлыйбыз!

Язның иң беренче  бәйрәме- иң гүзәл бәйрәмнәрнең берсе. Бәйрәм белән гүзәл затларыбыз! Бу бәйрәм сезгә тормыш яме, яшәү көче өстәсен. Бәхет нурында коенып, назга күмелеп, сөеп-сөелеп яшәгез. Сезгә  хатын-кыз бәхете, шатлык, сәламәтлек, уңышлар гына юлдаш булсын. Һәрвакыт сөйкемле, кадерле хатын-кыз булып калыгыз.

7 март көнне  Актанышта үткән Халыкара хатын-кызлар бәйрәмендә  “Тәмле букет” дип исемләнгән күргәзмә-бәйге  оештырылды. Мәдәният йортының фойесында райондагы җирлекләр, мәгариф учреждениеләре әзерләгән букетлар урын алган иде.  Безнең мәктәпнең "Тәмле букеты" әлеге бәйгедә катнашты.

 7 март көнне Әтәс мәктәбе, балалар бакчасы коллективы, язгы матур бәйрәм уңаеннан, авыл халкына куңелле онытылмаслык  бәйрәм мизгелләре бүләк итте. "Җырым булсын бүләгем" исемләнгән бу чарада ата-аналарның да катнашуы кичәгә ямь өстәде.  Дәртле биюләр, моңлы җырлар, мәгънәле шигырьләрен - һәрберсен тамашачылар бик җылы каршылады, алкышларга күмделәр.  Чарада барлык мәктәп укучысы да актив катнашты, сәхнәдә чыгыш ясады. Концерт тәмамлангач,  аягүрә басып алкышладылар, рәхмәт сүзләрен җиткерделәр. 

Урок цифры проводится в рамках Всероссийского образовательного мероприятия «Урок Цифры», организаторами которого выступают Министерство просвещения Российской Федерации, Министерство цифрового развития, связи и массовых коммуникаций Российской Федерации, АНО «Цифровая экономика» и ПАО «Сбербанк» в партнерстве с ключевыми российскими компаниями сферы информационных технологий.

Атналык линейкада хәрби-патриотик айлыкка йомгак ясалды. Барлык үткәрелгән төр ярышлар буенча урыннар чыгарылды, җиңүчеләргә грамоталар тапшырылды. Айлыкны уздыручы физкультура укытучысы   Хабибуллин А.Д.га рәхмәт белдерәбез.