1 көн. Тарих укытучысы Тимирова Вәсилә башлангыч класс укучылары белән музейга экскурсия оештырды.

   7 нче февраль көнне  Ләйсән Казанга  барды һәм  “Будь бдителен  на льду” дигән рәсем бәйгесендә  җиңгән өчен  бәйрәм  тантанасында катнашты. Планшет һәм  диплом  белән бүләкләнде.                                

23 гыйнвар көнне Әтәс  мәктәбендә тәрбия эшләре буенча директор урынбасарлары һәм сыйныф җитәкчеләренең " Шәхеснең иҗади үсешен тәэмин итүдә дәрес, класстан тыш һәм мәктәптән тыш тәрбия эшенең бердәмлеге" темасына район семинары  булып узды. Семинар план нигезендә эшлекле узды.

Мәктәптә татар теле укытучысы  Миназова Рәвия "Туган телем- иркә гөлем " дигән темага иншалар бәйгесе уздырды. Телгә карата презентация күрсәтелде.  

Бу атнада мәктәбебездә тарих укытучысы Тимирова Вәсилә Шәрип кызы җитәкчелегендә тарих атналыгы үткәреләчәк. Анда класслар арасында КВН, презентацияләр бәйгесе һәм башка чаралар үткәрелүе көтелә

Хөрмәтле Тәнзилә Рәеф кызы! Сезне туган көнең белән котлап, иң изге, якты, матур теләкләребезне юллыйбыз. Туар таңнарың тыныч, саулыгың ныклы, гомерең бәхетле булсын! Авырмый, кайгы-хәсрәт күрми, озын гомер итүеңне,дусларыңның, укучыларыңның, якыннарыңның игелеген күреп яшәргә язсын. Мәктәп коллективы.   

Класс сәгатьләрендә “Ленинград блокадасы” буенча әңгәмәләр узды.6 нчы класста Ленинград блокадасында катнашкан авылдашыбыз Сәет Карамов турында әңгәмә үткәрелде һәм альбомын карадык.

Авылыбызга иман нурын иңдерүдә янып йөрүче абыстаебыз Рәүфә апа, Назим һәм Хавил абыйлар, Даим мулла Мәүлид ае тәмамлану уңаеннан, мәчиттә Мәүлид бәйрәме уздырдылар. Бәйрәмгә  авыл картлары, авыл яшьләре, балалар, авыл җирлеге рәисе Хасанов Тимергази килгән иде. Кичәдә Мөхәммәд пәйгамбәрнең тормышы өйрәнелде, баблар, шигырьләр, намазлар, догалар укылды, мөнәҗәтләр әйтелде. Мәчеткә хәер бирелде.Бәйрәм чәй табыны янында дәвам итте. Соңыннан күчтәнәчләр таратылды. Бәйрәмне әзерләүчеләргә зур рәхмәт!

Мәктәптә 3 нче чирек башланды. Балалар озын кышкы каникулда көч туплап, кабаттан мәктәпкә килделәр.Укучыларга  укуларында уңышлар һәм сәламәтлек  теләп калабыз!

Безнең мәктәпнең 9 нчы класс укучылары Миназова Рәзилә һәм Насртдинова Фирүзә укуда ирешкән уңышлары өчен хакимият ёлкасында катнашу хокукына ия булдылар, алар "Рәхмәт хаты" һәм күчтәнәч белән бүләкләнделәр.