Юл буена печән чабу өмәсенә чыктык.

Балалар иминлеген саклау турында ата-аналар белән сөйләшүләр даими булып тора. Җәйге чорга да барлык балаларның ата-аналаына инструктаж үткәрелеп, имзалары алынды. Балаларны өйдә үзләрен генә калдырмау, тәрәзәдән егылу очракларын булдырмау, янгын куркынычсызлыгы, сулыкларга ялгыз җибәрүне булдырмау һ.б. турында аңлату эшләре алып барылды.

Балалар бакчасында комлыкта дуслар белән уйнау балачакның иң күңелле мизгелләреннән берсе.

Бу көннәрдә бакча хезмәткәрләре яшелчәлектә кишер, чөгендерләрне сирәкләү белән мәшгуль булдылар.

Балалар бакчасында җәйге чорда барысы ике төркемдә 36 бала йөри. Бакчада җәйге режим-расписание, җәйге сәламәтләндерү планы нигезендә эш оештырыла. 

1 июнь -халыкара балаларны яклау көне уңаеннан бакчабызда бик матур бәйрәм иртәсе уздырылды. Әлеге бәйрәмдә балалар үзләре яраткан уеннар, җырлар, шигырьләре белән катнаштылар.

Бүген апалары Лилия Солтанова һәм Гөлнара Фатихова белән зурлар төркеме балалары табигать кочагына экскурсиягэ бардылар. Әниләре әзерләп җибәргән ризыкларны ашап алгач, саф һавада хәрәкәтле уеннар уйнадылар. Кайтканда туган авылыбызның матур табигатенә, шомырт, алмагач чәчәкләренә соклынып кайттылар.

Бүген, көн салкын булуга карамастан,  бакчабызда Сабантуй бәйрәме гөрләп узды.

Бүген бакчабызда күңелле дә, моңсу да бәйрәм -  мәктәпкә әзерлек төркеме балаларының чыгарылыш бәйрәме. Ак юллар сезгә, балалар!

Бакча эшләрен дәвам итеп, бүген бакчабызның чәчәклеген казып куйдык.