Бүген бакчабызның ясле төркемендә "Курчак белән уйныйбыз" дип аталган күңел ачу - гаилә бәйрәме узды. Бәйрәмгә әти-әниләр чакырылган иде. Бәйрәмнең максаты - балалаларны әти-әнинең, гаиләнең кадерен белергә, әти-әнине тыңларга, әти-әни хакын хыкларга кирәклеген уеннар аша төшендерү. Бәйрәмдә әти-әниләргә төрле сораулар, биремнәр бирелде. Ахырда балалар әти-әниләренә үзләре ясаган бүләкләрне тапшырдылар.

Бүген уртанчы-зурлар төркемендә бала белән ата-ана арасында мәхәббәт, әти-әниләргә карата ихтирам хисләре тәрбияләү, бакча белән гаилә хезмәттәшлеген ныгыту максатыннан гаилә бәйрәме үткәрелде. Балалар әти-әниләренә багышлап шигырьләр сөйләделәр, җыр-биюләр башкардылар. Бәйрәмнең икенче өлешендә гаиләләр арасында конкурслар, уеннар уйнатылды.

Бу дөньяда ничек яшәсәк тә

Агымсудай вакыт тиз үтә.

Уфтанмаслык булсын сезнең гомер,

Татулыкка өйдә ни җитә!

Бүген Актаныш муниципаль районы 6нчы санлы балалар бакчасында "Ел тәрбиячесе - 2016" бәйгесе булды. Бу бәйгедә Яңа Әлем балалар бакчасыннан мәктәпкә әзерлек төркеме тәрбиячесе Закирова Фирүзә Өлфәт кызы катнашты. Комиссия әгъзаларына мәктәпкә әзерлек төркеме балалары белән "Тылсымлы кабырчыклар" дигән танып белү, аралашу, сөйләм, нәфис-нәфасәти өлкәләрне берләштергән эшчәнлек күрсәтте.

Бүген уртанчы - икенче кечкенәләр төркемендә балаларда патриотик хисләр, әтиләре, абыйлары белән горурлану тәрбияләү, Ватанны саклаучылар турында күзаллауларын киңәйтү, аларның мөһимлеген аңлату, әти белән бала арасындагы элемтәне ныгыту, балаларның иҗади мөмкинлекләрен үстерү максатыннан әтиләр бәйрәме үткәрелде. Уеннарда, биремнәрдә барлык әтиләр дә актив катнашты.

Ватанны саклаучылар көне уңаеннан уртанчы - икенче кечкенәләр төркеме этиләре һәм балалары арасында "Мавыктыргыч уенчыклар" кул эшләре һәм "Минем әти" рәсем күргәзмәсе оештырылды. Барлык катнашкан әтиләргә дә зур рәхмәт!

15 февраль көнне район мәдәният сараенда "Йолдызлык - 2016" бәйгесенең 2 туры гөрләп үтте. Безнең бакча балалары бу бәйгедә милли бию, эстрада биюе, вокаль ансамбль, конферанс номинацияләрендәге номерлар белән катнаштылар.

Бүген балалар "Йолдызлык - 2016" бәйгесенең 1 турында катанаштылар. Жюри членнарына балаларның чыгышлары бик ошады. 2нче турга да бик күп номерларын сайлап алдылар. Балаларга киләчәктә дә уңышлар телибез.

Музыка шөгыльләрен балалар бик яраталар. Бу көннәрдә тәрбиячеләр һәм музыка җитәкчеләре Ленара Шәрипова белән Айзәрә Фәррәхова балаларны "Йолдызлык - 2016" конкурсына әзерлиләр.

Балалар бакчасында тәрбияләнүчеләр арасында узачак шигырь укучылар конкурсына безнең бакчадан да балаларның видеороликлары әзерләп җибәрелде. Балалар татар, рус һәм инглиз телләрендә шигырьләр өйрәнгәннәр иде.