19 март көнне район күләмендә башлангыч сыйныф укучыларының  иҗади проектлар бәйгесе үтте. 2-3 сыйныф  укучылары үзләренең эзләнү эшләрен жюрига тәкъдим иттеләр. Әлеге бәйгедә мәктәбебезнең 2 класс укучысы Айсылу Ибрагимова, 3 класс укучысы Сәйдә Нурлыгаянова катнаштылар. Укытучылары Айзирә Акмалова, Гөлия Кашапова. 

Мәктәпнең тарих һәм җәмгыять белеме укытучысы Гөлшат Әхмәтшәех кызы Шәрипова "Туган телем-иркә гөлем" төбәкара фестиваль - конкурсында катнашып дипломга ия булды. Котлыйбыз! 

 13 март көнне Актаныш технология техникумы базасында «Һөнәри дебют- 2024» район бәйгесе булып узды. Безнең мәктәптән бу бәйгедә 9 класс укучылары Нуриева Ләйлә, Шәехова Алия, Миргаязов Марсель, Нуруллин Риналь, Хисматуллин  Нургиз катнаштылар. Җитәкчеләре Вахитова З.Н., Тимеров И.М.

Районда үткәрелгән "Хәрби патриотик бию" бәйгесендә мәктәпнең "Шатлык" бию ансамбле 1 урынга лаек булды. Җитәкчесе Шайхуллина Гөлсем Фәрит кызы. Котлыйбыз!

Мәктәбебезнең татар теле һәм әдәбияты укытучысы Гөлназ Муллагалиева Такталачык төп гомуми белем бирү мәктәбендә узган татар теле укытучыларының район семинарында булып, осталык дәресләрендә катнашып кайтты.

Гаилә елы уңаеннан Актаныш авыл җирлегеара үзәк китапханәсе тарафыннан үткәрелгән  «Минем гаилә: традицияләр һәм кыйммәтләр» дип аталган районкүләм әдәби викторина бәйгесендә Пучы мәктәбенең тарих һәм җәмгыять белеме укытучысы Шәрипова Гөлшат Әхмәтшәех кызы катнашып I урын алды.Котлыйбыз!

Көннең яктылыгы кояшта, күкнең бар матурлыгы йолдызларында, кешелекнең бөтен гүзәллеге хатын-кызларда. Сезне, кешелекнең бизәге булган гүзәл затларны, шушы искиткеч матур яз бәйрәме - Халыкара хатын-кызлар көне белән тәбрик итәбез. Шушы гаҗәеп гүзәл бәйрәм көнендә елмаеп баккан кояштай һәрвакыт балкып яшәгез. Күңелегездән шатлык, тәнегездән саулык-сәламәтлек, йортыгыздан иминлек-бәракәт китмәсен!

Бәйрәм жиле кага тәрәзәгә,
Яшьлек кайта, җаннар нурлана.
Умырзая шыта бу мизгелдә,
Кар астында чишмә уяна.
Ак бәхетләр теләп, кызыл талда
Елкылдыйлар көмеш бөреләр.
Котлы булсын матур язгы бәйрәм
Шатлык белән тулсын күңелләр!

Кичә, ягъни 5 март көнне, 5-7нче класс җитәкчеләре әниләр белән "Утыраек әле бүген кич" исеме астында бик матур чара үткәрделәр. Уеннар бик кызыклы, ата-аналарны җәлеп итәрдәй оештырылган иде. 

5 март көнне Балалар иҗат үзәгендә инглиз телендә «Spellng Bee» районкүләм бәйгесе узды. Әлеге чарада 3-5 класс укучылары катнашты.Укучылар үзләрен инглиз теленең фонетик үзенчәлекләрен белүдә сынады. Мәктәбебезнең 3 класс укучысы Набиева Амелия (укытучысы Нуртдинова Резеда Загировна)  классташлары арасында мактаулы 1нче урынга ия булды. Афәрин!

4 марта, в преддверии Международного женского дня, в МБОУ «Поисевская СОШ» состоялись «Весёлые старты» между мамами 1-4 класса и учениками начальной школы.