13 декабрь көнне Саба муниципаль районында узган Наил Хөснулла улы Хәмидуллин истәлегенә багышланган 2000-2001 нче елгы яшүсмерләр арасында ачык шәхси команда татар- башкорт милли спорт көрәше республика ярышында 50 кг кадәр үлчәүдә 8 сыйныф укучысы Фаттахов Рәзил III урынны яулады. Котлыйбыз! Уңышлар сиңа!

10 нчы декабрь  көнне мәктәбебездә тарих һәм җәмгыять белеме укытучысы Җәмилова Розалия Гарифҗан кызы “Коррупциягә каршы нык торыйк!” исемле 6-9 класс укучылары өчен сыйныфтан тыш чара үткәрде. Укучылар коррупция барлыкка килү сәбәпләрен ачыкладылар, тормыштан алынган очраклардан  мисаллар китерделәр, коррупция темасына кагылышлы мәкальләр белән таныштылар, уен уйнадылар. Йомгаклау өлешендә коррупция нинди аяныч хәлләр китереп чагыра алуы турында видеосюжет карадылар. Чара бик эчтәлекле булды.

   Бу дата императрица  Екатерина II идарә иткән чордагы истәлекле вакыйга уңаеннан билгеләнә. 1769 нчы елда ул сугышларда батырлык үрнәкләре күрсәтүчеләргә "Орден святого Георгия Победоносца" ордены тапшыруны гамәлгә кертә. 1917 елдан соң бу орден тапшыру традициясе бетерелә. 2000 нче елда иң югары хәрби бүләкнең статусы кире кайтарыла. 9 нчы декабрь көнне Советлар Союзы һәм РФ Геройларын, Изге Георгий һәм Дан ордены кавалерларын хөрмәтлиләр. Шушы уңайдан тарих һәм җәмгыять белеме фәне укытучысы Җәмилова Розалия Гарифҗан кызы һәм тормыш иминлеге нигезләре фәне укытучысы- Фаттахов Илсур Филис улы  мәктәп күләмендә ачык класс сәгате үткәрделәр.

5 нче декабрь көнне 8 класс укучылары- Гыйбадуллина Айгөл (Җитәкчесе: татар теле һәм әдәбияты укытучысы Мирзаянова Лүзия Хабибяновна)  һәм Мирзаханова Илина (Җитәкчесе: тарих һәм җәмгыять белеме укытучысы Җәмилова Розалия Гарифҗановна) II республика “Туган телем- шагыйрьләр теле”   фәнни- эзләнү конференциясендә катнашып Лауреат Дипломнары белән бүләкләнделәр.  Язучы, Яр Чаллы Язучылар оешмасы рәисе, “Мәйдан” журналының баш мөхәррире, Татарстан атказанган мәдәният хезмәткәре, Г.Тукай премиясе лауреаты- Вахит Имамов белән очрашуда булдылар. 

Ученик 8 класса Фаттахов Разил стал призером районного этапа Всероссийской олимпиады школьников по географии. Поздравляем Разиля и его учителя Амирову Рамзу Зиязетдиновну! Желаем успехов!

2 декабрь көнне мәктәп күләмендә тарих һәм җәмгыять укытучысы- Зямилова Розалия Гарифҗан  кызы “Билгесез Солдат көне” дигән темага  класс сәгате уздырды. Укучыларга РФ Дәүләт Думасы тарафыннан 3 декабрь “Билгесез Солдат көне” итеп игълан ителүе аңлатылды. “Билгесез Солдат” ка куелган һәйкәлләрнең тарихы, аларның Россия шәһәрләрендә нинди төрдә булуы презентацияләнде.  “Билгесез солдат” исемле җыр тыңланылды. Соңыннан “А зори здесь тихие...” исемле китапка видеосюжет күрсәтелде. Класс сәгате уңышлы, кызыклы итеп оештырылган иде.

Ученица 6 класса Сахапова Алина стала призером районного этапа Всероссийской олимпиады школьников по математике. Поздравляем Алину и её учителя Фардиеву Лейлю Рифкатовну! Желаем успехов!

Бүген, 27 ноябрь көнне мәктәптә «Әниләр бәйрәме» булды. Укучылар җырлар, биюләр, шигырьләр аша үзләренең котлауларын әниләренә җиткерделәр. Бәйрәм чәй өстәле артында дәвам итте. Укучылар кулдан ясаган бүләкләрен әниләренә тапшырдылар. Бәйрәм күңелле үтте.

26 ноябрь  көнне мәктәптә  «Корыч йөрәкле кошым...”  исемле уен-ярыш уздырылды.  Укучылар самолет барлыкка килү тарихы белән таныштылар, кәгазь  самолет ясау  буенча практик эш карадылар.  Уен-ярышның  икенче өлешендә  үзләре ясаган кәгазь  самолет  моделларын ярыштырып карадылар.

Бүген мәктәптә Парламент дәресләре үткәрелде. Классларда 2015 елда җирле советларга һәм ТР президенты сайлаулары турында сөйләшенде.