География-биология атналыгы дәвам итә. Бу көннәрдә  башлангыч класс, 5-8 класс егетләре тиздән кайтачак сыерчыкларны сөендереп  аларга матур һәм ышанычлы оялар ясап алып килделәр. Алар мәктәп янындагы агачларга эленәчәк.

Мәктәптә үзара дәрес тыңлауга зур игътибар бирелә. Бу атнада  мәктәбебез укучылары ачык дәресләр күрсәттеләр: 14 март көнне Л.Ф.Туктарованың рус әдәбиятыннан 6 класста, 15 март көнне Г.И.Фазлыеваның 1 класста математика дәресе, 16 март көнне Л.Т.Курмакованың рус теленнән дәресләре тыңланды. Дәрестә директор, укыту һәм тәрбия буенча директор урынбасарлары, укытучылар катнашты. Укытучыларның үзанализлары тыңланып, анализлар ясалды.

Табигатьне саклау- һәркемнең изге бурычы булып тора. Укучыларда табигатькә карата сакчыл караш тәрбияләү өчен  15 нче март көнне 8 класс укучылары белән Илнар абыйлары  “Чүп - глобаль экологик проблема” дип аталган класс сәгате үткәрде.

География-биология атналыгы кысаларында  мәктәп китапханәсендә укучылар өчен кызыклы, мавыктыргыч  китаплардан һәм журналлардан торган  “ Могҗизалар дөньясында” дип исемләнгән  күргәзмә оештырылды.

Бүлмә гөлләре безнең классларыбызны һәм мәктәбебезне бизәүчеләр булып торалар. Барлыгы 50 гә якын гөл үстерелә.  Аларны үстерү һәм тәрбияләп тору укучылар һәм укытучылар җаваплылыгында. Атналык кысаларында “ иң матур гөл”, “ иң үзенчәлекле гөл”, “ иң зур гөл” номинацияләре буенча урыннар чыгарылачак

8-март- халыкара хатын-кызлар көне буларак билгеләп үтелә. 8 класс укучылары белән Илнар абыйлары “ Язның иң матур бәйрәме” дип аталган класс сәгате үткәрде.

9 -16 март аралыгында мәктәбебездә география-биология атналыгы уздырылачак. Атна лык дәвамында төрле конкурслар һәм чаралар үткәреләчәк, стенгазеталар чыгарылачак. 

Бер-береңә бәйрәмнәрдә бүләк бирү матур һәм кирәкле гамәл. Әле күптән түгел генә 8 нче класс егетләрен  “Ватанны саклаучылар” көне белән кызлар бүләкләп киткән иде. Егетләр дә җавапсыз калмады,  8 март бәйрәме  уңаеннан аларга үзләре әзерләгән бүләкләрен тапшырдылар.

 7 март көнне безнең мәктәптә 6 класста математикадан “Мәсьәләләр чишүдә Эйлер түгәрәкләрен куллану” темасына яшь укытучы И.Ф.Гарипова тарафыннан ачык дәрес күрсәтелде. Дәрес ФДББС таләпләренә тулысынча туры килүче, мәктәпнең методик темасын – системалы эшчәнлекле якын килү нигезендә яткан бик уңышлы дәрес булды. Дәрестә 6 укытучы катнашып, укытучы дәресенә анализ ясадылар, теләкләрен җиткерделәр. Яшь  укытучыга киләчәктә профессиональ өлкәдә зур уңышлар телибез!

Учащиеся нашей школы приняли участие в муниципальном этапе республиканского конкурса  в рамках "Парламентского урока-2017 " и стали победителями и призерами.