Хәрби хезмәттә, гадәттән тыш хәлләрдә кирәкле шәхси сыйфатлар булдыру, хәрби-патриотик тәрбия һәм физик культураны камилләштерү максатыннан, 20 март көнне Актаныш 1 нче санлы урта мәктәбе базасында «Аҗаган» хәрби-спорт уены үткәрелде. Чарада безнең мәктәп укучыларыннан торган команда да катнашты. Балалар саф әзерлеге, пневматик винтовкадан ату, борыста тартылу, сыгылу, ОЗК кию, автоматны сүтү буенча көч сынаштылар, викторина сорауларына җавап бирделәр.

19 нчы март көнне Балалр иҗат үзәгендә "Без бергә-2019" балалар сәнгать иҗат фестиваленең муниципаль туры уздырылды. Безнең мәктәп укучылары "Сувениры России" кул эшләре күргәзмәсендә катнаштылар.

Бөтендөнья кулланучылар көне"н бәйрәм итү Джон Кеннединың 1962 елда АКШ конгрессында чыгыш ясавына багышланган.

Бүген мәктәбебез кызлары арасында "Нәүрүзбикә" конкурсы булып узды. Алар һәрберсе үзләренең һөнәрләрен күрсәттеләр, ике толымга матур итеп чәч үрү, милли ризык пешерү, милли бизәнү әйберләрен тәкъдим иттеләр. Класс егетләре дә читтә калмады,  кызларны котлап концерт номеры күрсәттеләр. Иң иң "Нәүрүзбикә" титулына  5 нче сыйныф укучысы Ибрагимова И.  һәм 10 нчы сыйныф укучысы Султанова А. лаек булды.

“Ел укытучысы-2019" Бөтенроссия конкурсы кысаларында, балаларга тәрбия һәм өстәмә белем бирү өлкәсе хезмәткәрләренең һөнәри осталык бәйгесенең  зона этабын районыбыз лаеклы каршы алды. Үзебезнең мөгаллимнәребез белән бергә Менделеевск, Минзәлә, Әгерҗе, Тукай районы педагоглары дәрәҗәле бәйгенең республика этабын ачу өчен үзләренең һөнәри осталыкларын күрсәтеп, белеем һәм тәрбия өлкәсендәге казанышлары белән уртаклашты.  23 педагог  катнашкан зона этабы катлаулы сынаулар, дулкынлану, киеренке көрәш белән тулы иде. 

2 нче март көнне, Актанышта авыл мәктәпләр арасында "Йолдызлык-2019" фестиваленең гала-концерты үтте. Чара ахырында гомуми йомгаклар буенча җиңүче дип табылган мәктәп коллективлары бүләкләнде. Безнең мәктәбебездән  Сулайманова Т., Файрушин Р., Ибрагимова И, Гильфанов 2  дәрәҗә лауреат, “Татар яшьләре” биюе  II дәрәҗә лауреат Султанова А. 2 дәрәҗә лауреат булдылар. Мәктәбебез махсус бүләккә ия булды.  Котлыйбыз һәм аларга киләчәктә дә уңышлар телибез!

Татар Суксуы урта мәктәбенең 1 класс укучысы Галиев Самир кечкенә булсада, төрле конкурсларда катнаша. Күптән түгел ул үзенең әнисенә багышлап язган шигырен республикакүләм үтә торган “Илһам” конкурсына җибәргән иде. Самирыбызның эше 1 турдан үтеп, зона турында катнашу хокукы алды. Зона туры Яр Чаллы шәһәрендә үтәчәк. Самирның зона этабында уңышлы чыгыш ясап кайтуын теләп калабыз.

XXI гасыр Кулибиннары  олимпиадасында катнашып Шарафутдинов Айзат үз номинациясендә 1 урын, Бикмухаметов Илсаф 4 урынны яуладылар. Афәрин егетләр!!!