<span lucida="" sans';="" font-size:="" 11px;="" line-height:="" 16.5px;"="">Бүген укыту-тәрбия эшләре буенча директор урынбасары Диләрә Гаптелсөббух кызы "Ромашка" балалар бакчасында ачык ишекләр көнендә катнашты. 

Мәктәптә "Йолдызлык - 2016" бәйгесенә әзерлек бара. Укучылар класс җитәкчеләре белән берлектә конкурсның мәктәп турына әзерләнәләр. Иң уңышлы  номерлар 9 февральдә булачак  икенче турга сайлап алыначак. Укучыларыбызга иҗади уңышлар телибез!

Су объектларын саклау һәм торгызу, биологик су ресурсларының, хайваннар һәм үсемлекләр дөньясының яшәү тирәлеген саклау, халыкка уңайлы шартлар тудыру мәсьәләләренә җәмгыятьнең игътибарын җәлеп итү максатыннан ТР Президенты Р.Н.Миңнеханов указы нигезендә 2016 ел Су саклау зоналары елы дип игълан ителде.

Бүген Актанышта мәгариф хезмәткәрләренең кышкы спартакиадасы булды. Безнең мәктәпнең укытучылар командасы уңышлы чыгыш ясады. Кул көрәше буенча Гыйльманова Рина Мулланур кызы - 1, Дартс буенча Гыйльфанова Рәмилә - 2, Турникта тартылуда Гәрәев Наил - 3 урыннарны яуладылар. Җиңүчеләребезне котлыйбыз!

  8 гыйнвар көнне 11 сыйныф укучылары Актанышның №1 мәктәбе базасында  математикадан, бүген рус теленнән имтихан биреп карадылар.

Кичә Актаныш спорт комплексында узган теннис ярышында безнең укучыларыбыз катнашып призлы урыннар яуладылар. Гыйльманова Рәмзилә - 1урын, Фәттахов Ринас - 2 урынга лаек булдылар. Укытучыбыз Галиев Нияз Минтимер улы да 1 урынны яулады.Җиңүчеләребезне котлыйбыз!

Мәктәптә 9 сыйныф укучылары математика, рус теле фәннәреннән имтиханнарга әзерләнәләр. Ә 11 сыйныф укучылары Актаныш мәктәпләрендә шөгыльләнәләр.

Укучыларның кышкы каникуллары дәвам итә. Ләкин чыгарылыш класс укучыларының ял көннәре тәмамлана.

Яңа 2016 ел белән котлыйбыз, кадерле дуслар! Яңа ел барчабызга да зур уңышлар, шатлык-сөенечләр алып килсен!

Бүген, ягъни 29 декабрь көнне, 2015-2016 уку елының беренче яртыеллык нәтиҗәләре буенча педагогик киңәшмә үткәрелде.