14 январь көнне авылның мәдәният йортында укучылар белән  Искечә Яңа елны каршылау бәйрәме уздырылды. Бәйрәм кызыклы уеннар, ярышлар  белән үрелеп барды.

5 январь көнне район күләмендә Кыш бабай призына көрәш ярышы үтте. 7 класс укучысы Харисов Галинур үз үлчәү авырлыгында 1 урынны алды. Аңа киләчәктә дә зур уңышлар телибез!

6 январь көнне район мәдәният сараенда уку алдынгылары, олимпиадаларда җиңүчеләр, спортта һәм сәнгать өлкәсендә уңышка ирешүче укучылар өчен район башлыгының чыршы бәйрәме үткәрелде.Әлеге дәрәҗәле бәйрәмдә 8 класс укучысы Ситдиков Ирек, 9 класс укучысы Мукимова Марсельеза катнашты. Аларга район башлыгының рәхмәт хаты һәм бүләге бирелде.

24 декабрь көнне башлангыч класс укучылары өчен "Әкият дөньясында" дип исемләнгән Яңа ел тамашасы үткәрелде. Бәйрәмдә уку алдынгылары, төрле конкурсларда катнашкан һәм призлы урын алган укучылар бүләкләнде, соңыннан балалар Кыш бабайга үз һөнәрләрен күрсәттеләр.Килгән кунаклар,ата-аналар балаларның чыгышларын бик яратып карадылар.

24декабрь көнне 6-9 класс укучылары өчен Яңа ел бәйрәме үткәрелде. Укучылар Кыш бабайны зур уңышлар белән каршы алдылар. Чыршы бәйрәме бик матур узды. Укучылар тарафыннан әзерләнгән скетч - тамаша килгән кунакларның, әти-әниләрнең күңелләренә бик хуш килде.

24 декабрь көнне икенче чирек йомгакланды.Укучыларга билгеләр аңлатылды, класс җитәкчеләре кышкы каникулга куркынычсызлык кагыйдәләре буенча инструктаж алдылар. Укучылар кышкы каникулга озатылды. Каникуллар кызыклы һәм файдалы үтсен.

20 декабрь көнне "Ихлас" психологик үзәге психологлары белән очрашу үткәрелде. Ата-аналар "Уңышка юл" программасына нигезләнеп үткәрелгән тренингта теләп катнаштылар.

"Ихлас" психологик үзәге психологлары укучылар белән әңгәмәләр, тренинглар үткәрделәр.

21-22 декабрь көннәрендә 9 класс укучылары Актанышка барып, рус һәм математика фәннәреннән Казаннан килгән ОГЭ ны эшләп карадылар.