9 декабрь - коррупциягә каршы көрәш көне. Шул уңайдан барлык классларда да "Коррупциягә каршы нык торыйк!" дигән темага класс сәгатьләре үтте.

Инвалидлар ункөнлеге уңаеннан мәктәп укучылары үзләреннән уенчыклар җыйдылар һәм уенчыкларны авыру балаларга бүләк итү өчен районның балалар иҗат үзәгенә тапшырдылар.Шулай ук авылдагы өлкән кешеләргә ярдәм итүдә барлык укучылар да теләп катнаштылар.

Мондый бәйрәм өчен 9 декабрь очраклы гына сайланмаган. Екатерина II нәкъ менә бу көнне 1769 елда яңа бүләкне раслый. Ул Изге Георгий ордены була. Аның белән аерым батырлык күрсәткән сугышчылар бүләкләнгән. Илебездә бу көнне Георгий ордены кавалерларын хөрмәтлиләр. Россиядә бу көнне чын батырларны искә алып, алар турында хәтер яңарталар. Шул уңайдан мәктәптә әлеге истәлекле датага багышланган сыйныф сәгатьләре үткәрелде.

Бүген районда физкультура буенча олимпиада үткәрелә, анда безнең мәктәптән Хасанова Диана, Хасанов Данияр катнаша. Аларга уңышлар телибез!

8 декабрь көнне мәктәп күләмендә "Код сәгате" дәресе үткәрелде.

Мәктәптә 7 декабрьдән 12 декабрьгә кадәр математика атналыгы игълан ителде.

"Туган телем - шагыйрьләр теле" республика фәнни - эзләнү конференциясендә Мөхәммәт Мирза иҗатына багышланган иҗади эш белән 7 сыйныф укучысы Ситдиков Ирек катнашып 3 урынга лаек булды. Котлыйбыз! Җитәкчесе Гаянова Ф.Г.

Ата-аналар һәм укытучылар белән берлектә төзелгән рейд графигы нигезендә 19.00 - 21.00 гә кадәр урамда, мәдәният йортында дежурлык үткәрелә. Бу атнада укытучы Шаймухаметова Рушания белән берлектә Вакилова Фирдүсә һәм Габдуллина Фәйрүзәләр рейдта булдылар.

1 декабрь - Бөтендөнья СПИДка каршы көрәш көне. Шул уңайдан 5-9 классларда "Сәламәт яшик!" дигән темага класс сәгатьләре үтте. Укучыларга СПИДның куркыныч авыру икәнлеге, аны булдырмый калдыру һәм профилактик чаралар аңлатылды.

Бүген район күләмендә акробатика буенча ярыш булды. Безнең мәктәптән 7 класс укучысы Ситдиков Ирек һәм 9 класс укучысы Хасанова Диана катнашты. Икесе дә 1 урынны алдылар, уңышлары белән котлыйбыз! Җитәкчесе Нургалиев И.И.