Өлкәннәр ункөнлеген йомгаклау уңаеннан, мәктәптә  хезмәт ветераннары   белән очрашу үткәрелде. Аларны һәм хәзерге вакытта хезмәт куючы укытучыларыбызны хөрмәтләп, стена газеталары чыгарылды, рәсемнәр ясалды, сәхнә хезмәте күрсәтелде,төрле еллардагы мәктәп тормышын чагылдырган видеопрезентацияне дә кунакларыбыз  игътибар белән карады. Укытучыларын, әти- әнисен бәйрәм белән котларга Башкортстаннан кайткан Айгөл Нуриеваның (2003 нче елгы чыгарылыш) моңлы җырлары тамашачылар күңеленә аеруча хуш килде.  

--Актаныш районы Игелек үзәгенең гаиләгә һәм балаларга социаль ярдәм күрсәтү бүлекчәсе 18 яше тулмаган балалар арасында фотобәйге игълан итте.Темалар: "Минем оста куллы әбием  һәм бабам", "Минем ярдәмчел әбием һәм бабам", "Минем спорт сөюче әбием һәм бабам", "Минем эшчән әбием һәм бабам", "Минем мөселман әбием һәм бабам". Бәйгегә башлангыч сыйныф укучылары бик теләп катнаштылар. Хәзер нәтиҗәләр көтәбез.

6 - 7 октябрь  көннәрендә Актанышта  Казан Кремлендәге Бөек Ватан сугышы Музей-мемориалы мөдире Михаил Черепанов булып китте. Тарихчы районда бер изге миссия башкарды – хәбәрсез югалган сугышчыларның балаларына, якыннарына аларның кайда һәм ничек һәлак булуы турында кыйммәтле  мәгълүматлар тапшырды.  Такталачык төп гомуми белем бирү мәктәбенең башлангыч класс укытучысы Сәрвәрова Земфира Нәвис кызы да бу көнне ерак бабасы    Зәйнуллин Сәяф Зәйнулла улының язмышы турында документларны кулына алды. Каһарман бабасының язмышы турында ул укучыларына  сөйләде.

 Хөрмәтле укытучылар! Сезне 5 октябрь - Укытучылар көне уңаеннан тәбрик итәбез. Сезгә ныклы сәламәтлек, зур ихтыяр көче, сабырлык, иҗади уңышлар юлдаш булсын. 
Алыгыз Сез бүген, бүләк итеп,
Чәчәкләрнең шушы бәйләмен.
Каршылагыз тагын бик күп еллар
Бүгенгедәй хезмәт бәйрәмен!

 Укучыларда туберкулез авыруын кисәтү максатыннан,    Актаныш үзәкбольницасы шәфкать туташлары тарафыннан  манту процедурасы үткәрелде.  Медицина хезмәткәрләре укучыларны бу процедураны үткәрүнең әһәмияте белән дә таныштырды.

 4 октябрь  көнне район мәдәният йортында Укытучылар көненә багышланган тантаналы чара уздырылды.   Әлеге чарада безнең мәктәпнең алдынгы  укытучылары  катнашты. Бәйрәмчә бизәлгән залга мәгариф ветераннары, мәгариф хезмәткәрләре, мәктәп директорлары, балалар бакчалары мөдирләре җыелды. Тантана мәгариф ветераннарын бүләкләү белән башланып китте.  Чарада муниципаль район башлыгы Фаил Мисбах улы Камаев, башкарма комитет рәисе Рөстәм Алмаз улы Ильясов, муниципаль район башлыгы урынбасары Илфак Шамил улы Бариевларның  котлаулары яңгырады. Иң яхшы укытучылар, белем бирү учреждениеләре җитәкчеләре, мәгариф ветераннары РФ  Мәгариф министрлыгы, ТР Мәгариф министрлыгы, муниципаль район башлыгы һәм мәгариф бүлегенең мактау грамоталары белән бүләкләнделәр.

Хөрмәтле укытучыларыбыз!

      Сезне чын күңелдән һөнәри бәйрәмегез – Укытучы көне белән котлыйбыз!

      Бүгенге истәлекле көндә барлык педагогларга рәхмәт сүзләре белдерәсе һәм хөрмәт күрсәтәсе килә. Сезнең профессиональ, игътибарлы, таләпчән булуыгыз һәм күңел җылыгыз безнең балаларга сәләтләрен һәм талантларын ачарга ярдәм итә.

20 сентября в универсальном спорткомплексе «Актаныш» прошла спартакиада учителей  школ всего района. Наши учителя: А.Ш.Рахманов, Р.Р.Гайсин, А.М. Фазылов, Р.З. Исхаков, Ф.Ш.Нуриев, З.Н.Сарварова, Л.Ф. Гайсина успешно выступили на соревнованиях, А.Ш.Рахманов занял первое место по армреслингу, Л.Ф.Гайсина заняла третье место по прыжкам с места.

27-28  сентября  в школе прошел школьный этап Всероссийской олимпиады школьников по английскому языку.  В олимпиаде приняли участие учащиеся  4-9 классов.

Такталачык төп гомуми белем бирү мәктәбендә икенче ел рәтттән, көзге эшләр тәмамлангач,табигать кочагында  укучылар өчен күңелле бәйрәм үткәрелде. Бу бәйрәмдә укучылар яшелчәләрдән төрле сувенирлар ясады, "Табигать могҗизасы" күргәзмәсенә үзләре үстергән кызыклы яшелчәләрне тәкъдим итте. Үсемлекләрне тану буенча оештырылган "Яшь  ботаниклар",  төз ату буенча-"Мәргәннәр", көз темасына табышмак мәкальләр, буенча-"Зирәкләр", конкурсында;"Күңелле эстафета" һ. б уеннарда укучылар теләп катнашты