14 май көнне мәктәп күләмендә Балаларны яклау көне узды. Класс сәгатьләреннән соң барлык укучылар да табигатькә юл алды. Башлангыч сыйныф укучылары дару үләннәре җыйды, сәламәтлекне ныгытуга юнәлтелгән уеннар уйнадылар. 5-11 класс укучылары ориентлашу, туризм техникасы кебек ярыш төрләрендә үзләрен сынадылар.

8 май көнне һәйкәл янында митинг узды. Әлеге митингка сугыш һәм тыл ветераннары чакырылган иде. 

5.05 7 класс укучылары математика фәненнән КФУ уздырган олимпиадада катнаштылар.

18 марттан 6 апрельгә кадәр КГТУ тарафыннан уздырылган язмача тәрҗемә конкурсында катнашып 9 клсс укучысы Р.Р.Амиров һәм 10 класс укучысы А.Р. Зарипова сертификатларга ия булдылар. Әлеге конкурска яхшы катнашучылар әзерләгән өчен инглиз теле укытучысы Р.С. Амирова рәхмәт хаты белән бүләкләнде.Афәрин! 

3.05 физика фәненнән КФУ тарафыннан abiturient.kpfu.ru сайтында уздырылган олимпиадада балалар кызыксынып катнаштылар.  

Такталачык авылы мәдәният йортында китапханәче Д.Ш.Гайсина оештырган "Сөй гомерне, сөй халыкны, сөй халыкның дөньясын!" дип аталган чарада коррекцион мәктәп һәм урта мәктәп укучылары бик теләп катнаштылар. Чара Габдулла Тукайның шигырьләре һәм әкиятләренә нигезләнгән иде. Авылыбызның Ак әбиләре тарафыннан мөнәҗәт һәм вәгазьләр әйтелде.

Мәктәп территориясен һәм бакчасын чүп-чардан арындыру максатыннан шимбә көнне өмә оештырылды. Өмәдә барлык укучылар да һәм укытучылар да теләп катнашты.

13 апрель көнне Казанда югары уку йортлары һәм мәктәп арасындагы элемтәләрне ныгытуга юнәлдерелгән республикакүләм фәнни-методик конференциядә инглиз теле укытучысы Р.С.Амирова һәм башлангыч класс укытучысы З.Ф.Шаемова уңышлы чыгыш ясап кайттылар.

Биология-география атналыгы 16 апрель көнне 1-7 класс укучылары өчен "Кошлар безнең дусларыбыз" кичәсе белән башланып китте.

Татар теле һәм әдәбияты укытучысы Ә.Г.Нуриева һәм 9 класс укучысы А.Х.Акрамова белән Казанда узган Х регионара Каюм Насыйри укуларында уңышлы чыгыш ясап, Мактау грамотасы белән бүләкләнделәр.