"Сәйяр" республика театраль  конкурс-фестиваленә укытучыларыбыз Шәмсетдинова Роза Мансур кызы һәм Зарипова Роза Рафик кызы җитәкчелегендә Туфан Миңнуллин әсәре буенча куелган  "Авыл эте Акбай" исемле театрдан өзек җибәрелде. Җитәкчеләргә дә, шулай ук театрда катнашкан укучыларыбызга да зур уңышлар телибез!

Бүген бакча балалары фельдшерлык пунктына бардылар. Алар шәфкать туташы һөнәре белән якыннан таныштылар. Ул балаларга грипп һәм аннан саклану чаралары турында мәгълүмәт бирде.

Бүген мәктәбебездә укытучылар көненә багышлап  укытучы - оештыручы белән берлектә укучылар бәйрәм концерты оештырдылар. Бәйрәм концерты барыбызга да бик ошады. Рәхмәт!

Мәктәп яны бакчасында көзге уңышны җыеп алу дәвам итә. Бүген кишер, чөгендер алу, түтәлләрне кышка әзерләп кую эшләре башкарылды.

Укытучылар көнендә зур стажга ия педагогларны  юбилейлары белән котладылар: Зарипова Гөлсем Рәшит кызы, Хәйбуллина Энҗе Нәбиулла кызы - 30 ел, Бәйрамов Хәлил Хөсәен улы - 25 ел, Бәйрамова Фәридә Камил кызы - 20 ел. Киләчәктә дә зур уңышлар сезгә, хөрмәтле хезмәттәшләребез!

Бездә бүген бәйрәм – бүген Өлкәннәр көне. Өлкәннәр көненә багышланган бәйрәм концертында мәктәбебез укучылары бик теләп катнашты.

Бүген Россиядә интернет көне. Шул уңайдан 7нче сыйныфта Халилова Ф.З. "Интернетта куркынычсызлык" темасы астында дәрес үткәрде. Дәрес "Интернет дөньясында куркынычсызлык кагыйдәләре"нә багышланган иде. 

Бүген бакчага йөрүче балалар участок полиция хезмәткәре белән очрашты. Ул балаларга урамда , юлда үзеңне ничек тоту кагыйдәләре турында сөйләп үтте. Балаларны таныш булмаган кешеләр белән аралашмаска өндәде. Кайда гына булсалар да һәрвакыт уяу һәм сак булырга киңәш бирде.

Хөрмәтле тәрбиячеләребез!

Сезне чын күңелебездән һөнәри бәйрәмегез - Тәрбиячеләр көне белән котлыйбыз! Тәрбияче хезмәте – авыр һәм фидакарь хезмәт. Ул даими рәвештә һөнәри яктан камилләшү, көч-энергия һәм бик зур сабырлык сорый. Сезгә ныклы сәламәтлек, гаилә бәхете, эшегездә һәм һәркайда уңышлар юлдаш булсын!

Без телибез сезгә олы бәхет,

Озын гомер, бетмәс шатлыклар.

Барыр юлларыгыз озын булсын,

Ашыкмасын килер картлыклар.

Йөрәкләрдән чыккан назлы сүзләр

Күңелләрдә булган саф хисләр,

Озын гомер, якты тыныч тормыш –

Безнең сезгә әйтер теләкләр.