15 апрельдә район үзәгендә шашка ярышларында 9 сыйныф укучысы Вальщиков Салават 1 урын яулап, 23 апрельдә Казанга район данын якларга барды. Салават сиңа уңышлар телибез.

Ученики 8 го класса   Байрамов Айбулат, Халилов Рафис и Хаметшина Зухра представили научные работы и  были приглашены в КГТУ  для  участия в  IV республиканском конкурсе творческих работ "Нобелевские надежды-2011", посвященном Международному году Химии. Руководитетели-учитель химии-Гизатова Суфия Камиловна и учитель биологии-Хаметшин Марат Зиннурович.  Учителям и учащимся  и в дальнейшем желаем творческих успехов!

Башкалабызда 18 апрельдән 21 апрельгә кадәр "Йолдызлык" фестивале узды. Бу фестивальдә безнең мәктәптән 4 сыйныф укучысы Хайбуллин Рифат та катнашты. Ул бар көчен, вакытын кызганмыйча әзерләнде. Әзерләнүенең нәтиҗәсе дә бар. Рифатыбыз конферанс номинациясендә катнашып, дипломант булды. Рифат без синең белән горурланабыз. Сиңа алда да уңышлар телибез.

Мәктәбебезнең тәрбия эшләре буенча директор урынбасары Бәйрәмова Фәридә Камил кызын туган көне белән котлыйбыз!

Аңа саулык-сәламәтлек, озын гомер,  эшендә һәм тормышында зур уңышлар теләп калабыз!

12 апрельдә Район мәданият йортында Космонавтика елына багышланган "Космос энергиясе" дигән эрудитлар конкурсы булып узды. Конкурстан соң "Космос глазами детей" дип аталган рәсем конкурсында җиңүчеләргә бүләкләр тапшырылды. Безнең мәктәптән дә 3 сыйныф укучысы Галимова Нәргиз (җитәкчесе Галимова А.Г.) һәм 8 сыйныф укучысы Насыйбуллин Айрат (җитәкчесе Бәйрәмова Ф.К.)  I дәрәҗә диплом, акчалата премия белән бүләкләнделәр.

Физика укытучысы Нургазиз Сәлимҗан улы: "Кадерле балалар, укытучылар! Моннан нәкъ 50 ел элек, 1961 елның 12 апрелендә дөньяда беренче очучы-космонавт, ватандашыбыз Юрий Алексеевич Гагарин "Восток" кораблендә Җир тирәли космик очыш ясады... ", - дип бәйрәмне башлап җибәрде. Кем соң ул гади генә, әмма да бик бөек кеше Юрий Алексеевич Гагарин?..

10 апрель көнне Кыр Шенталысы авылында 1993-1999 елгы егетләр арасында татар-башкорт көрәше турниры булып узды. Безнең егетләребез бу юлы да сынатмадылар, яңа призлы урыннар яулап кайттылар:

1. 11 сыйныф укучысы Яруллин Фәнис - 1 урын;

2. 8 сыйныф укучысы Халилов Рүзәл - 1 урын;

3. 8 сыйныф укучысы Кадиров Нияз - 2 урын;

4. 7 сыйныф укучысы Зарипов Алмаз - 3 урын.

Шулай ук безнең авыл командасы 2 урын өчен грамота белән бүләкләнде. Егетләр афәрин!

8 апрель көнне мәктәптә 9-11 сыйныф укучылары арасында шашка ярышы булып узды. Шашка ярышын "Шахмат" түгәрәге җитәкчесе Галимов Илгиз Нургаләм улы оештырды. Укучылар ярышта актив катнаштылар. Егетләр арасыннан 9 сыйныф укучысы Мустафин Рәсил һәм кызлар арасыннан 11 сыйныф укучысы Хайбуллина Гөлгенә беренче урынга лаек булдылар. Хәзер алар район турына әзерләнәләр. Укучылар сезгә уңышлар телибез.

6 апрельдә АСОШ №1 "Театр яктылыкка, нурга илтә" дип аталган район конкурсы булып узды. Безнең мәктәптән 4 укучы катнашты. Алар Галимҗан Гыйльмановның "Булат нигә яхшы укый?" дигән әкият-тамашасын күрсәттеләр. (Җитәкчеләре: Асфандиярова Гөлфия Нургаен кызы һәм Бәйрәмова Фәридә Камил кызы) Безнең укучылар II урын алып кайттылар. Без сезнең белән горурланабыз, уңышлар сезгә.

8 сыйныф укучылары арасында интернет-тестирование үтү графигы.

8.00 - 10.30;                13.00 - 15.30.

Фәннәр:       4 апрель 2011 ел -  Русс теле;

                     6 апрель 2011 ел - Математика;

                     8 апрель 2011 ел - Биология;

                    13 апрель 2011 ел - Татар теле;

                    15 апрель 2011 ел - Тарих;

                    18 апрель 2011 ел - Өстәмә көн (барлык фәннәр)