Табигатьтә алтын көз хакимлек итә. Сихри матурлык, мең төрле төсләр, ниндидер тынлык. Елның шундый матур фасылында һәр елның 5 октябре Укытучылар көне буларак билгеләп үтелә.   Бу иң якты бәйрәмнәрнең берсе.Ул балачак белән, онытылмас мәктәп еллары белән бәйле.
 Барлык укытучыларны шушы матур бәйрәм белән ихлас котлыйбыз. Сәламәтлек, җан тынычлыгы, эшегездә уңышлар телибез.

Карашында якты кояш нуры,
Сүзләреннән җанга җылы тама.
Еллар үтәр... Әмма укытучы сүзе
Маяк булып күңелләрдә кала.
Бала күңелен төгәл аңлап, тоеп,
Иң кирәкле сүзне Сез әйтәсез.
Язмыш сукмагында борчуларны
Горур үткәрергә өйрәтәсез.
Укытучы – белем генә түгел,
Гыйлем генә түгел, күпкә зуррак!
Маяк булып балкыр сезнең караш,
Атлаганда тормыш юлы буйлап! 

Бу көнне без өлкән кешеләребез – әби-бабаларыбызны, мәктәбебездә  эшләгән хезмәттәшләребезне котлыйбыз. Безнең Акчишмә башлангыч мәктәбендә озак еллар пешекче, техник хезмәткәр булып эшләгән  Тәнзилә апа  барыбыз өчен дә үрнәк. Аның күңел җылысы биреп пешергән тәмле ризыкларын, акыллы , төпле киңәшләрен укучыларыбыз әле дә сагынып искә ала.

    Бүген без хөрмәтле Тәнзилә апабызны бәйрәм белән котладык. Балалар аңа чәчәк бәйләме тапшырдылар, үзләренең матур теләкләрен җиткерделәр. Тәнзилә апа укучылырның тырышып укуларын, тәүфыйклы, тәртипле булуларын теләп озатып калды.

   Без дә  Тәнзилә апабызга сәламәтлек, озын гомер , балаларының, оныкларының игелеген күреп, исән-сау яшәвен телибез.