Сегодня учащиеся 10 класса нашей школы выполнили всероссийскую контрольную работу по информационной безопасности на портале Единого урока для детей.

Бүген башлангыч класслар укытучысы Ибраһимова Л.Ф.  1 нче класста “Әдәплелек баскычлары” темасына ачык класстан тыш эшчәнлек күрсәтте. Укучылар “тылсымлы сүзләр”нең әһәмияте, әдәпле укучы кагыйдәләре белән танышуны дәвам иттеләр. Нәтиҗә ясап, “Әдәплелек баскычы” төзеделәр. 

27 нче ноябрь көнне башлангыч класслар укытучысы Хәбибуллина Р.Р. 4 класста математикадан “Литр.Ничә  литр?” дигән темага ачык дәрес үткәрде. Дәрескә әниләр, филиал мәктәпләр укытучылары да чакырылды. Дәрес барышында укучылар телдән исәпләү, язмача исәпләү, мәсьәлә чишү буенча белемнәрен күрсәттеләр. Соңыннан әниләрне бәйрәм белән котлап шигырьләр сөйләнде, җырлар җырланды, кулдан ясаган бүләкләр тапшырылды.

Башлангыч класслар атналыгы кысаларында Ибраһимова Л.Ф. 1нче класста туган телдән “[д] авазы, Д,д хәрефләре” темасына әниләргә һәм укытучыларга ачык дәрес күрсәтте. Дәрес кызыклы, мавыктыргыч, ФГОС таләпләренә туры китереп үткәрелде. Универсаль уку гамәлләре бик уңышлы кулланылды. Укучылар әниләрне бәйрәм белән котлап җыр башкардылар, үз куллары белән ясалган бүләк тапшырдылар.

        26 нчы ноябрь көнне мәктәбебездә башлангыч класслар атналыгы башланып китте. Бүген шушы атналык кысаларында башлангыч класслар укытучысы Хәбибуллина Р.Р. “Нәрсә ул яхшы, нәрсә ул начар?”дигән темага ачык дәрестән тыш эшчәнлек күрсәтте. Укучыларда яхшы һәм начар сыйфатлар турында күзаллау булдырылды,  начар һәм яхшы сыйфатларны аера белергә өйрәнделәр. Уңай эмоциональ  халәт булдырылды, яхшы сыйфатлар башкару теләге уятылды.

Бүген мәктәбебез укучылары өчен информатика укытучысы С.Р.Шәйхетдинов “Куркынычсыз Интернет” темасы астында дәрес үткәрде. Укучылар интернетны ничек дөрес файдалану турында мәгълүмат алдылар, мошенниклар ятьмәсенә эләкмәү ысулларын өйрәнделәр, интернет челтәрләрдә үз-үзеңне тоту кагыйдәләре турында видео карап үттеләр.