27 нче сентябрь көнне Г.Тукай исемендәге Ашытбаш урта гомуми белем  мәктәбенең башлангыч профсоюз оешмасы рәисе Г.В.Шәйхетдинова “Профсоюз дәресләре атналыгы” кысаларында 10-11 нче сыйныф укучылары өчен “Нәрсә ул профсоюз?” исеме астында класс сәгате үткәрде. Ул укучыларга профсоюз оешмасының нәрсәгә кирәклеген аңлатты, профсоюз ярдәмендә эшчеләрнең хокукларын яклап булуы (хезмәт шартлары, хезмәткә түләү, чираттагы ял, торак, материаль ярдәм, юллама, хезмәт тәртибе һәм дисциплинаны тәртипкә салу һ.б. ), кирәк вакытта юридик ярдәм һәм консультация алырга мөмкинлек турында сөйләде.

     24 сентябрь көнне башлангыч класс укучылары “Дуслык”дәресенә җыйналдылар. Әлеге дәрес кысаларында башлангыч сыйныф укучыларына мәдәни көндәлек тапшырылды.  Балаларга әлеге көндәлекнең ни өчен кирәк икәнен, аны тутыру тәртибен, көндәлекне саклап тотуның мөһимлеге аңлатылды. Китапханәче Сабитова Т.Ә. көндәлекнең укучыларга республикабызның, районыбызның  тарихи-истәлекле урыннарына, төрле мәдәни чараларга юл күрсәтеп, рухи байлыкларыбыз белән якыннанрак танышырга  ярдәм итәчәге турында сөйләде.

Балалар катнашында юл-транспорт травматизмын кисәтү максатыннан чыгып,  24-28 сентябрь көннәрендә республика буенча "Иминлек атналыгы" игълан ителде. Әлеге атналык кысаларында 24 сентябрь көнне участок инспекторы Рахимҗанов Р.Г. катнашында ата-аналар белән түгәрәк өстәл артында сөйләшү уздырылды.  Ата-аналар белән әңгәмә  барышында юл йөрү кагыйдәләренең үтәлешенә, балаларның мәгълүматны кабул итүчәнлегенә дә басым ясалды. Педагоглар һәм ата-аналар комитеты балаларның яктылык кайтаргыч элементлар куллануын даими контрольдә тотуы ассызыкланды.

22 нче сентябрь көнне 5-7 сыйныф укучылары көзге табигатькә экскурсиягә чыктылар. Бергәләп табигатьнең матурлыгына хозурландылар, күмәк уеннар уйнадылар, учакта пешкән тәмле аш белән сыйландылар. 

"Экстремизмга - юк!" айлыгы кысаларында, мәктәптә « Экстремизм һәм терроризм», « Нәрсә ул экстремизм?» дигән темаларда класс сәгатьләре, әңгәмәләр үткәрелде. Укучыларга экстремизм, терроризм сүзләренең мәгънәләре аңлатылды, куркыныч туганда үз үзенне тоту кагыйдәләрен белергә , һәрвакыт сак һәм уяу булырга кирәклеге әйтелде.

11 сентября прошла Республиканская акция «Территория мира». В школе проводились беседы  на тему пагубного влияния экстремизма и терроризма в современном мире. В конце беседы учащиеся написали несколько предложений на тему «Что для меня наш мир?», свои пожелания планете и закрепляли на плакате

 «Территории мира», которое выполнено в виде Земного шара.