Һөнәри белем программасын гамәлгә ашыру максатыннын,Г. Тукай исемендәге педагогия көллиятенең мәктәпкәчә учреждениелар өчен тәрбиячеләр әзерләү бүлегенең 4 нче курс студентлары 4 атна дәвамында безнең балалар бакчасында педагогик практика уза.Тәрбиячеләр ярдәмендә алар балалар белән әңгәмәләр коралар, төрле кызыклы чаралар,тематик кичәләр оештыралар.

”Сәламәт буласыбыз килә!” дип аталган спорт һәм физик күнегүләр комплексын чагылдырган чара студент тарафыннан, 2 нче номерлы зурлар төркемендә бик күңелле уздырылды. Аның максаты балаларның хәрәкәтләнү күнекмәләрен үстерү, эстафета уеннарында сабырлык, игътибарлылык, бердәмлек хисләре тәрбияләү, эмоциональ шатлыклы кәеф тудыру иде.Балалар йөгерү, боҗра аркылы чыгу, шуышу, ату ярышларында көч сынаштылар, рәхәтләнеп ял иттеләр, сәламәтлекне физик чыныгу аша сакларга мөмкин булуына ышандылар.