Гаилә – тормышыбызның нигезе, дәүләтнең киләчәге. Матур гаилә корып, бер – береңне хөрмәтләп, бер – береңә ярдәмләшеп яшәү- һәрберебезнең изге бурычы. Бала тугач та гаиләнең иң кадерле кешесенә әйләнә, ул гаиләне тагын да ныгыта, дуслаштыра. Әти кеше, ир – ат буларак, бала тугач бөтен авырлыкны үз өстенә алырга тырыша.Гаилә – үзенә күрә кечкенә генә бер дәүләт. Ул дәүләтнең президенты да, финанс министры да бар.

Бүген бездә кунакта Арча педагогия көллиятеннән студентлар булды.Без аларга “Минем гаиләм” дигән темага ачык шөгыл күрсәттек. Безнең бүгенге сөйләм телен үстерү шөгылебездә дә, сүз -шул турыда булды. Тату гаиләләрдә генә тырыш, уңган, тәүфыйклы, акыллы балалар үсә икәненә төшендереп, балалар белән кызыклы уеннар уйнап, сорауларга җавап биреп үтте.Һәрбер бала үзенең гаиләсе турында сөйләп, күңелле вакыйгаларны искә төшереп дәрес шөгеленең үткәне сизелмәде дә. Менә шундый күркәм сыйфатлары булган, гаиләле балалар үзебезнең бакчада тәрбияләнүләренә без бик тә шат.