Элек-электән халкыбыз көзен  Сөмбеләне бәйрәм иткән. Бу бәйрәмне төрле төсләргә бай булганы өчен генә түгел, ә муллык алып  килгәне өчен дә яратканнар. Сөмбеләне бәйрәм итү йоласы күренешләре безнең көннәргә дә килеп җиткән. 8 ноябрь көнне бакчабызда "Нәни Сөмбелә" бәйгесе үтү дә шуның ачык мисалы. Бу көнне һәр нәрсәдә көз чагылыш тапты. Костюмнар, чыгышлар, бию, җырлар шушы ел фасылына багышланды. " Нәни Сөмбелә" исемен яулау өчен №1 уртанчылар төркеменнән Хәбибуллина София, №2 уртанчылар төркеменнән Ганиева Иллария, №1 зурлар төркеменнән Закирова Айсылу, №2 зурлар төркеменнән Сәләхиева Динә, №1 мәктәпкә әзерлек төркеменнән Ләйсән Фатыйхова, №2 мәктәпкә әзерлек төркеменнән Әхмәтова Зөһрә көч сынаштылар. Кызларның һәммәсе зур әзерлек белән килгән иде, махсус костюмнар бәйрәмгә тагы да ямь өстәде. Кызлар дефиле-визитка өлешендә үзләре белән таныштырып, күлмәкләренең үзенчәлекләре турында сөйләделәр. Ә менә икенче бәйгедә җыр-биюгә осталыкларын күрсәттеләр. Кызларыбыз өздереп җырлый, бии беләләр, акробатик номерларга да оста икәннәр. Чара сонында жюри чыгышларга бәя бирде. Ә район күләмендә бакча данын 1 урынга лаек булган Ләйсән Фатыйхова яклаячак. Аңа уңышлар, яңа җиңүләр телибез.