Бакчабызда  экологик  атна уңаеннан 1 нче мәктәпкә әзерлек төркемендә уен-викторина үткәрелде. Балалар,ике командага бүленеп,белемнәрен, җитезлекләрен сынаштылар. Бәйрәмгә Экология һәм табигый ресурслар Министрлыгы  төньяк территориаль бүлегенең беренче категорияле белгече Латыш Фирдәүсә  Камилевна, Татарстан Республикасының биологик ресурслар буенча дәүләт комитеты белгечләре Абдрахманова Гөлнара Ильясовна, Әхмәтҗанов Рәшит Зиннурович килделәр. Алар балаларга үзләренең теләкләрен җиткерделәр, бүләкләрен тапшырдылар. Бу чара- элеккеге традицияләрне саклау һәм экологлар белән үзара хезмәттәшлекнең ачык мисалы. Бәйрәмнән һәркем бик канәгать калды.