Быел 3 апрельдә Татарстан Республикасы Фәннәр академиясе, Татарстан Язучылар берлеге, Татарстан Республикасы Зеленодол муниципаль районы Башкарма комитеты мәгариф идарәсе тарафыннан күренекле язучы Афзал Шамов укулары үткәрелә. Укуларда бер секция балалар бакчалары өчен дә эшләячәк. Укуларда катнашу өчен  хәзерге көндә актив иҗат итүче яшь шагыйрьләрнең шигырьләренә инсценировкалар видео вариантта кабул ителде. Без дә бу укуларда актерлык  осталыгыбызны сынап карарга булдык. Ленар Шәехның " Көпә-көндез бакча басучылар"  һәм Лиана Әмирханованың " Сөйләшә торган бака" шигырьләрен сәхнәләштердек. Бу шигырьләр урлашмаска, дөресен сөйләргә һәм табигатьне яратырга, әти-әни сүзен тыңларга өйрәтәләр. Инсценировка вакытында балалар камера каршында  сәнгатьле итеп  оялмыйча сөйләргә өйрәнделәр. Жюри безнең эшебезне игътибарсыз калдырмас дип өметләнәбез.