Бакчабызда төрле йола бәйрәмнәре еш үткәрелә. Халкыбызның борынгы көнкүреше, гореф-гадәтләре тасвирланган бу бәйрәмнәрдә, нәниләр күңеленә туган якка, милләтебезгә карата хөрмәт һәм ярату бөртекләре салына.
    Милли йола бәйрәмнәренең чираттагысы -“Каз өмәсе” се 13 нче декабрь көнне узды. Аны татар теле тәрбиячесе Гөлнара Шәвәлиева мәктәпкә әзерлек төркеме балалары белән әзерләде. Чараның максаты- балаларны «Каз өмәсе» йолалары белән таныштыру, халкыбызның җыр- биюләрен, уеннарын өйрәтү, хәтер , логик фикерләү сәләтен, эзлекле, сәнгатьле сөйләм телен үстерү, йолаларына хөрмәт, ихтирам, хезмәткә мәхәббәт тәрбияләү иде. Бәйрәм йола күренешләре, матур җырлар , дәртле биюләр, шаян сүзләр, милли уеннар белән үрелеп барды. Балалар бик канәгать калдылар, соңыннан каз коймагы белән сыйландылар.