Муса Җәлил - олылар һәм балалар өчен бик күп әсәрләр иҗатиткән онытылмаслык бөек шагыйрь. Аның шигырьләре табигатьне яратырга, Туган илне,Ватанны сөяргә, аңа тугрылыклы булырга өйрәтә.Туган халкы  көрәшче улын беркайчан да онытмый. Безгә тынычлык яклап сугышта башын салган геройның иҗаты белән бакчабызда һәрдаим таныштырып торабыз. Җәлилнең туган көне уңаеннан  “Муса  абый- балаларның якын дусты” дип исемләнгән кичә үтте. Аны татар теле тәрбиячесе Гөлнара Шәвәлиева  барлык балалар белән берлектә әзерләде.  Чараның максаты Муса Җәлил турында балаларның белемнәрен  баету, артистлык осталыгын үстерү, геройның батырлыгына соклану, патриотикхисләр тәрбияләү булды. Сабыйларыбыз әдипнең әсәрләрен яттан сөйләделәр,  сәхнәләштерделәр, аның шигырьләренә язылган җырларны җырладылар, тамашачыларга күтәренке кәеф, шатлык-куаныч бүләк иттеләр.