Наши ученицы заняли 3-место в районном соревновании по волейболу среди женских команд, которые состоялись в МБУ ДО  "Дворец школьников" 12 марта 2016 года. Поздравляем, желаем успехов!!!

Безнең укучыларыбыз Әүхәдиева Зәлифә, Загриева Диләрә, Асхадуллина Илнара "Тамчы-шоу" программасында уңышлы чыгыш ясадылар һәм дипломнар белән бүләкләнделәр.

Бүген мәктәп китапханәчесе классларга кереп, укучыларның дәреслекләрен тикшереп чыкты.Укучыларга дәреслекләргә карата сакчыл карашның әһәмиятен искәртте.

Өлкән сыйныф укучылары Арча балына хәзерләнәләр.Вальс матур тигез чыксын өчен көн саен биергә кирәк.Укучыларыбызга уңышлар телибез.

Бүген 2 нче сыйныф җитәкчесе Асхадуллина Гөлнара Җәүдәтовна  "Кошлар- безнең дусларыбыз" темасына тәрбия сәгате үткәрде.Укучылар  җылы яктан кайткан кошларны барладылар, тавышлары буенча, рәсемнәре буенча кошларны таныдылар.Тәрбия сәгатеннән  укучылар бик күп мәгълүмат алдылар. 

Бүген тәрбия сәгатьләрендә класс җитәкчеләре укучыларга юлда йөрү кагыйдәләрен искәрттеләр.Бозлавыклы юлда, көпшәк карда сак йөрергә кирәклеген, елга кырыйларында, сулыкларда аеруча хәтәр икәнлеге аңлатылды, инструкцияләргә куллар куйдырылды.

Бүген укучылар мәктәп  укытучыларына чын бәйрәм ясадылар.Укучылар өч төркемгә бүленеп 8 Март белән котлап, хатын-кыз укытучыларыбызга матур чыгышлар күрсәттеләр. Беренче тәнәфестә башлангыч сыйныфлар, икенче тәнәфестә  5-7 сыйныфлар, өченче тәнәфестә 8-9 нчы сыйныфлар үзлекләреннән әзерләнеп бик матур номерлар күрсәттеләр.Рәхмәт,сезгә укучылар! Бәйрәм белән, сезне!!!

Бүген мәктәбебездә 8 Март- халыкара хатын-кызлар көненә багышланган зур концерт булды.Бәйрәмгә әниләр, әбиләр чакырылды.Укучылар үзләренең иң матур җырларын, биюләрен, скетчларын, шигырьләрен әниләренә бүләк иттеләр. Бәйрәм әниләр күңеленә хуш килде.

Бүген башлангыч сыйныф кызлары арасында 8 мартка багышланган "Ягез әле, кызлар!" бәйгесе үткәрелде. Кызлар өчен күңелле ярышлар, конкурслар оештырылды. Башлангыч класс укытучылары Әсхәдуллина Г.Җ., Гатауллина Г.Ф., Рамазанова Ф.Р.   малайларга шаян номерлар, җырлар, биюләр өйрәтеп бәйрәмне күңелле итеп үткәрделәр.

Бүген башлангыч сыйныф укытучысы Гатауллина Гөлия Фиргатовна  "Фитотерапия белән шөгыльләнәсеңме?" темасына ачык тәрбия сәгате үткәрде.Тәрбия сәгатендә дару үләннәренең файдасы турында мәгълүмат бирелде.Дару үләннәренә багышланган җырлар  җырланды, шигырьләр сөйләнде, әкият геройлары да чыгыш ясады.Укучылар дару үләннәре турында белемнәрен ныгыттылар.