Яңа Кенәр янгын сүндерү бүлеге җитәкчесе Әхмәтов Х.Х. бакчабыз балалары белән янгын куркынычсызлыгы турында әңгәмә уздырды. 

23 нче февралҗ- Ватанны саклаучылар көне уңаеннан  бакчабызда малайларыбызның җитезлеген, уңганлыгын, тапкырлыгын, осталыгын сынап карадык. Ә кызларыбыз аларга җыр һәм матур биюләрен бүләк иттеләр.

Халыкара туган тел көне уңаеннан бүген бакчабызда бердәм гамәлләр көне уздырылды .Балалар һәм хезмәткәрләр киемнәрендә милли элемент кулланып киенделәр. Тәрбиячеләре Хамзина Резеда Юнусовна һәм зурлар тәркеме балалары  татар халык милли киемнәреннән.

Бүген -21 нче февраль. Һәр милләт, һәр халык өчен бәйрәм көн – Халыкара туган тел көне. Бу көн 2000 нче елда ЮНЕСКО карары нигезендә билгеләп үтелә башлады. Бүген дөнья халыклары 6 мең телдә сөйләшә. Һәркем өчен дөньядагы иң кадерлесе – ана теле. Халыкара туган тел көнендә барлык телләр дә тигез дип таныла, чөнки аларның һәркайсы кеше язмышы өчен җавап бирә һәм без аны сакларга тиешбез.  Тәрбияче Гөлнара Рәүфовна туган телгә-ана телебезгә мәхәббәт тәрбияләү; балаларның бәйләнешле сөйләм күнекмәләрен, иҗади фикерләү сәләтен үстерү; туган телнең матурлыгын тоярга өйрәтү максатыннан уртанчылар төркемендә әңгәмә уздырды.

Кыска гына гомер яшәп тә, үзләре артыннан гаҗәеп бай мирас калдырган шәхесләр була. Шундыйларның берсе , татар дөньясы күгендә генә түгел, дөнья әдәбияты күгендә йолдыз булып балкыган шагыйрь- Муса Җәлил. Бүген безнең  балалар бакчасының зурлар төркемендә шагыйрь Муса Җәлилнең туган көненә багышланган кичә булды.

Кечкенәләр төркеме балалары "Әвәләү" белем бирү эшчәнлегендә.

7 февраль - ТР Дәүләт гербы кабул ителгән көн. Шул уңайдан зурлар төркеме тәрбиячесе Мортазина Р.И. балаларга  гербның Дәүләт символы булуы, андагы төсләрнең ниләр аңлатуы турында сөйләнде, канатлы барс турында легенда укыды.

Татарский Республиканский комитет профсоюза работников народного образования и науки РФ наградил председателя профсоюзного комитета нашего детского сада  Гайфуллину  Рамзию Гильмулловну за высокую социальную эффективность и развитие социального партнерства почетной грамотой. От всей души поздравляем ее и желаем творческих успехов! 

Салкын кыш айларында безнең якларда кошларга ризык табу бик кыенга туры килә. Безнең зурлар группасы  балалары  әти- әниләр ярдәме белән кошларга көчләреннән килгәнчә ярдәм итәргә булдылар - алар өчен җимлекләр ясадылар. Җимлекләр үзенчәлекле килеп чыкты. Балалар аларны бакчабыз тирәсендә үсеп утырган агачларга элделәр. Балалар тәрбияче апалары белән берлектә һәр көн саен аларга җимнәр сибәләр, кошчыкларның чөкердәшә-чөкердәшә җим чүпләгәннәрен сокланып күзәтәләр. Кошларга ярдәм итә алуыбыз өчен без бик сөендек.
Кышын кошлар аеруча кызганыч. Шуңа да әлеге җан ияләренә карата бу игелекне бергәләшеп башкарсак иде. Табигатьне, әйләнә-тирә мохитне саклау, балаларга шуны өйрәтү - саваплы бурыч бит. Һәрберебез кошларга аз гына булса да өлеш чыгарса, алар кышны җиңелрәк уздырыр иде.
Кыш җиттеме - кошлар өчен
Без ашханә ачабыз.
Һәм кошларга эндәшәбез:
- Рәхим итеп ашагыз!