Балалар бакчасында тәрәзә төбендә яшелчә бакчасы булдыру бик күңелле шөгыль булып тора, бигрәк тә кышын һәм язын. Бу вакытта табигатьнең әле генә өлгергән бүләкләрен ашап карыйсы гына түгел, яшеллекләрнең төсен күрәсе килә. Синең үзеңнең тәрәзәң төбендә, беренче язгы яшеллекнең үсүеннән дә күңеллерәк бернәрсә дә юктыр мөгаен. Болар: суган, петрушка, укроп һәм хәтта салат яфрагы да булырга мөмкин. Тәрәзә төбендәге яшелчә бакчасы – табигатьнең төсләренә, җылысына карата булган сезонлы ямансулыкны бетерүнең иң әйбәт бер ысулы да ул. Балалар бүлмә шартларында үсемлекләрне  карап үстерергә өйрәнәләр, үсемлекләр үссен өчен яктылыкның, җылылыкның, туфракның дымлылыгының кирәк булуы турында күзаллаулары киңәя, танып белү һәм иҗади сәләтләре үсә.

Музыка җитәкчебез Гайфуллина Р.Г. "Ел тәрбиячесе-2019" конкурсында катнашты. Аңа барлык коллектив исеменнән уңышлар телибез!

Бакчабызда "Яңа Кенәр балалар иҗат йорты" педагоглары тарафыннан гимнастика һәм хореография түгәрәкләре уздырыла. Бу түгәрәкләрдә балалар бик теләп шөгыльләнәләр һәм әти-әниләрне уңышлары белән сөендерәләр.

Яңа елның һәрбер сәгать-көне
Ап-ак кардай якты, ак булсын.
Кыш бабайның кызыл капчыгында
Барыбызга бүләк табылсын.

Бәхетсезгә бәхет алып килсен.
Сырхауларны чирдән коткарсын.
Һәрбер бала газиз балачагын
Әни кочагында үткәрсен.

Бакчабызда Яңа ел бәйрәмнәре гөрләп узды.

"Голосок" район җыр конкурсында бакчабыздан Гилазова Илинә 1 урынга лаек булды. Аны һәм музыка җитәкчесе Гайнуллина Рәмзия Гыльмулловнаны чын күңелдән котлыйбыз һәм яңа уңышлар телибез.

Кыш җиткәч бакчабыз территориясе әкият иленә әйләнә. 

Коллегабыз Гайфуллина Р.Г. йөзү буенча профсоюз оешмалары арасында узган ярышларда та 1-нче урынга лаек булды. Аны чын күңелдән котлыйбыз һәм яңа уңышлар телибез! 

Зурлар тәркеме тәрбиячесе Мортазина Р.И. балаларга экологик тәрбия бирүгә керткән зур өлеше өчен экология министрлыгының дипломы белән бүләкләнде.