Бакчабызда ата-аналарның гомуми җыелышы узды. Җыелышта Яңа Кенәр янгын сүндерү бүлеге җитәкчесе Әхмәтов Хәниф Хәлилович, Яңа Кенәр участок хастаханәсе баш табибы Аксакова Рафия Рашатовна, бакча мөдире чыгыш ясадылар, ата-аналарны кызыксындырган сорауларга җавап бирделәр.

Бакчабыз хезмәткәрләре Арча районы мәгариф бүлеге оештырган "Чәчәк бәйрәме"ндә катнаштылар.

Бакчабыз мөдире Идиятуллина Л.Ф. Арча районы мәгариф хезмәткәрләренең август киңәшмәсендә " Федераль дәүләт стандартлары кысаларында мәктәпкәчә белем бирү оешмасында балаларның иҗади үсешен гамәлгә ашыру" темасына чыгыш ясады.

 Арча районы ЮХИДИ хезмәткәре бакчабыз  балаларын юл йөрү билгеләре иленә сәяхәткә алып барды, алар анда төрле уеннар уйнадылар, белемнәрен арттырдылар.

Янгын куркынычсызлыгы темасы эссе җәй көннәрендә бигрәк тә актуаль. Шны истә тотып,  Яңа Кенәр авылы янгын сүндерү бүлекчәсе җитәкчесе безнең бакча балалары белән пожар куркынычсызлыгы турында әңгәмә уздырды.

Ул бакчаны ярата (Г.Лотфи)

Көн саен Ләйлә

Бакчага килә.

Соң гына кайта

Кич белән өйгә.

Ярата Ләйлә

Көн үткәрергә

Иптәшләр белән

Бакчада бергә.

Төрле уенчык,

Курчаклар монда.

Кайтасы килми

Ләйләнең шуңа.

– Әнием, – ди ул, –

Ашыгып йөрмә.

Мине алырга

Бик иртә килмә!