«Көзге мәрхәмәтлелек” акциясе кысаларында укучыларыбыз   "Бар кеше дә тигез” исеме астында коллаж-газета чыгардылар. Һәр укучы бу эшкә үзеннән  өлеш кертте. Материал  туплаганда тирә-юньдәгеләргә хөрмәт, мәрхәмәт булырга тиешлегенә инандылар. Һәр  кеше бәхетле  булырга, тормышта үз урынын табып яшәргә тиеш

2015 елның октябренда Россия Федерациясе Президенты Владимир Путин Указы нигезендә “Россия укучылар хәрәкәте” Бөтенроссия җәмәгатьчелек–дәүләт балалар–яшүсмерләр оешмасы төзелде. Ул балаларны үстерүдә дүрт юнәлешне үз эченә ала. Шуларның берсе – патриотик тәрбия. Әлеге юнәлеш кысаларында районда яшь армиячеләр хәрәкәте төзелде, мәктәпләрдә яшь армиячеләр отрядлары булдырылды. 

Мәктәбебездә  әлеге хәрәкәткә 7-8  класс егетләре  кабул ителде. Отряд командиры Шакиров Илсаф районда үткәрелгән хәрәкәткә кабул итү кичәсендә катнашты.

Башлангыч класс укучылары Казан шәһәренә презентацич буенча сәяхәт ясадылар. Һәр укучы мәдәни көндәлекләр алды.

 5 нче класста "Яраткан Татарстан" исеме астында тәрбия сәгате үткәрелде. Татарстанда урнашкан районнар белән таныштылар, төзелгән спорткомплексларны карадылар. Халкыбызның тыныч, бай республикада тырыш хезмәт күрсәтеп яшәвенә шатландылар.

15 сентябрь көнне мәктәбебездә "Осенняя неделя добра" кысаларында өмә булды. Өмәдә һәр класс укучысы актив катнашырга тырышты. Укучылар кипкән үләннәрне, яфракларны тырмалап түктеләр, агач төпләрен йомшарттылар

Бүген мәктәбебездә "Спорт сөюче Татарстан!" акциясе уңаеннан спорт ярышлары үткәрелде. 7-8 нче класс укучылары төрле ярышлар буенча көч сынаштылар, сәламәтлекләрен ныгыттылар.

Башлангыч классукучылары балалар бакчасына йөрүчеләргә концерт программасы күрсәттеләр. Матур җырлар, шигырьләр нәниләрнең күңеленә хуш килде. 

10 сентябрь көнне 5 класс укучылары, класс җитәкчесе белән, мәктәп музеена белән таныштылар. Мәктәп тарихы белән таныштылар, Гани Сафиуллинның тормыш юлын өйрәнделәр, авыл күренешеннән әби-бабаларыбыз кулланган тормыш кирәк яракларын кулланып карадылар. Мәктәбебездә шундый эчтәлекле музей булуга куандылар.

6 нчы класс укучылары Алсу Рафкатовна җитәкчелегендә Советлар Союзы Герое Гани Биккенә улы Сафиуллин музеенда булдылар. Музей җитәкчесе Гөлфия Әмин кызы анын тормыш юлы, кылган батырлыклары, орден - медальлере турында сөйләде. Укучылар игътибар белән тыңлап, бирелгән сорауларга җавап таптылар, истәлеккә фотога төштеләр. Экскурсия Гани Сафиуллинның әйтеп калдырган сүзләре белән тәмамланды. "Уяу булыгыз, иптәшләр, тынычлыкны ныгытуда үзегезне аямагыз, җирдә күз яше акмасын өчен,бомбалар шартламасын өчен көрәшегез".

8 класс җитәкчесе Нурания Шайдулловна ”Безнең музейларыбыз”  темасы буенча  класс сәгате үткәрде. Музейлар - кешелек дөньясы, халык, милләт хәтере генә түгел алар. Алар - килгән кешеләрне тәрбияләү, аларга педагогик тәэсир итү чарасы да. Бу тәэсир экскурсовод сөйләве аша да, пленкага язылган текст аша да, экспозиция белән танышучы кешенең мөстәкыйль фикерләве аша да ясала. Хәзерге заманда компьютерлар һәм информацион технологияләр киң таралуга һәм аларның күп кенә уңай сыйфатлары булуга да карамастан, кешеләрне кешелек дөньясы туплаган, аның тарихи юлын күрсәткән кыйммәтләрдән, мәдәни байлыклардан читләтәләр, хәтта аералар да. Шуңа күрә музейлар кешеләрнең игътибарын шушы чын кыйммәт һәм байлыкларга юнәлтү, аларны саклау һәм үстерү кирәклеген искәртү чарасы булып торалар дигән фикер җиткерде. Класс сәгате файдалы, тәрбияви булды.