Хөрмәтле мөгаллимнәребез! Сез – безнең иң кадерлеләребез, үрнәк алырлык кешеләребез, туры юл күрсәтүчеләребез. Сез биргән белемнәр, сезнең үгет-нәсыйхәтегез безгә авыр тормышта да дөрес юлдан тайпылмыйча, гел алга барырга ярдәм итә. Һәрчак укучыларыгызның рәхмәтләренә төренеп, аларның ярдәмен тоеп яшәргә насыйп булсын! Сәламәтлек, ак бәхетләр, яңа куанычлар телибез! Бәйрәмегез белән!

1 нче октябрь - Өлкәннәр көне.Укучыларыбыз әби -бабаларын, мәктәбебездә эшләп лаеклы ялга киткән укытучы һәм хезмәткәрләребезне, тыл ветераннарын бәйрәм белән котладылар.Аларга изге теләкләрен җиткерделәр.

6 класс укучысы Мостафин Айзат "Мин Арча баласы" проекты кысаларында "Мин  Арчаны  беләм" исеме астында үткәрелгән квестта катнашты. Укучылар  өч командагы бүленеп Арчаның тарихи объектлары белән таныштылар, сорауларга җавап бирделәр һәм икенче урынга лаек булдылар.
 

Мәктәбебездә ата - аналар җыелышы булды.Бүгенге көндә актуаль булган мәсьәләләр каралды. Җыелышта директорыбыз Минҗанов Ф.М, тәрбия эшләре буенча директор урынбасары Хафизова Д.Р.  чыгыш ясады.Соңыннан сорауларга җавап бирделәр. Сөйләшүләр сыйныфларда дәвам итте.

Бакчада көзге эшләр дәвам итә. Балалар бәрәге, кишер, чөгендер уңышын  җыйдылар.

"СМС - дети" проекты членнары "Елмаю бүләк ит" акциясендә катнаштылар.

Куркынычсызлык айлыгы кысаларында укучыларның киемнәрендә, сумкаларындагы  яктырткыч элементларга күзәтү ясалды.

Балалар кече яшьтән үк табигать байлыгы – дару үләннәре белән дәвалауның (фитотерапия) файдасы һәм зыяны турында белергә тиеш. Паркка, урманга, су буена экскурсияләргә барганда файдалы үсемлекләр белән таныштыру бу бурычны үтәргә ярдәм итә. үз организмыңны чыныктыру өчен табигать хәзинәсеннән дөрес файдалануга балаларны кече яшьтән үк күнектерергә кирәк.