5 нче апрель көнне ата-аналар җыелышы узды. Арча социаль яклау бүлегеннән Рәзинә Анваровна, җирлек башлыгы Арсланов Т.А. чыгыш ясадылар. 3 нче чиректә уку-укыту һәм тәрбия эшенә анализ ясалды. Сөйләшүләр классларда дәвам итте. 

Бүген, мәктә күләмендә “Кошлар – безнең канатлы дусларыбыз” темасына кошлар көне билгеләп үтелде. Мероприятие КВН -дәрес формасы кулланып башкарылды.  Укучылар биология дәресендә кошларның төзелеше турындагы сорауларга җавап бирсәләр, география дәресендә аларның яшәү тирәлекләрен билгеләделәр.  Математика дәресе саннар белән бәйле рәвештә барса, физкультура дәресендә укучылар кошлар булып йөреп, сайрап күрсәттеләр. “Кошлар көне” мавыктыргыч һәм кызыклы үтте. 

Биология – география атналыгы кысаларында 1 апрель -  Кошлар көне уңаеннан кош ояларына конкурс үткәрелде. Укучыларыбыз конкурста актив катнаштылар.

Мәктәбебезнең волонтерлар отряды эби-бабайларга язгы эшлэрдэ ярдәм итәләр. 

Мәктәбебездә сыерчык ояларына бәйге игълан ителде. Барлык укучылар да актив катнашты. Оялар мәктәп тирәсендәге агачларга урнаштырылды. 

27 март көнне 9 класстан 3 укучы рус теле буенча районда үткәрелгән сынау имтиханында катнаштылар

26 нчы март көнне мәктәбебез командасы волейбол ярышларының зона этабында катнашты. 

25 март көнне 9 класстан 2 укучы география буенча районда үткәрелгән сынау имтиханында катнаштылар.

Татар халкының милли бәйрәмнәреннән Нәүрүз  үтте. Укучылар үзләренең матур чыгышлары белән авыл халкын куандырдылар. Уеннарда актив катнашып, төрле яклап үзләренең көчләрен сынадылар. Ахырдан тәмле ботка, кайнар чәй һәм коймак белән сыйландылар.