Патриотик айлык кысаларындә мәктәбебездә шашка ярышлары узды. Барлык укучылар 5 группада шашка уйнау буенча көч сынаштылар. Мәктәпнең иң оста шашка уйнаучылары исеменә 4 нче класс укучылары Ситдиков И. һәм Каримова Г. лаек булды. 

Педагог-оештыручы Җамалиева А.М. башлангыч класс укучылары белән "Күңелле стартлар" үткәрде. 

Мәктәбебездә "Әтиемә- бүләк" акциясе үтте. Акциядә һәр укучы актив катнашты. Алар үзләре ясаган бүләкләр белән  әтиләрне бәйрәм белән котладылар. 

Бүген мәктәбебездә Халыкара туган тел көне билгеләп үтелде. 

Бүген мәктәбебез командасы Апаз урта мәктәбендә үткәрелгән "Аҗаган" хәрби-патриотик уенның зона ярышларында катнашты. Укучылар төп мәктәпләр арасында 3 нче урынга лаек булдылар. Молодцы! Уңышлары белән котлыйбыз!

Мәктәбебезнең туган тел һәм әдәбияты  укытучысы Җәләлетдинова Г.Р. район күләмендә үткәрелгән шигырь бәйсендә катнашып, лауреат исеменә лаек булды. Котлыйбыз, иҗади уңышлар телибез!

Совет гаскәрләренең Афганистаннан чыгарылуына 30 ел тулу уңаеннан һәм Ватан сакчылары көненә багышланган кичә узды. Афганистанда хезмәт иткән авылдашларыбыз истәлекләре белән уртаклаштылар, укучыларга изге теләкләрен җиткерделәр. 

Муса Җәлилинең туган көне уңаеннан туган тел һәм әдәбияты укытучылары әдәби кичә уздырдылар. Патриот шагыйрьнең тормыш юлына, иҗатына күзәтү ясалды. Укучылар сугыш елларында язылган шигырьләрен сөйләделәр. 

3 нче класста Муса Җәлилнең туган көненә багышланган викторина-уен үткәрелде. 

Башлангыч класслар укытучысы Фазылҗанова Г.Н. 2-4 нче класс укучылары һәм балалар бакчасында тәрбияләнүче нәниләр өчен патриот шагыйрь Муса Җәлилгә багышлап "Муса абыйда кунакта" исемле чара үткәрде. Балалар шагыйрьнең тормыш юлы, иҗаты белән таныштылар. Укучылар нәниләргә үзләре өйрәнгән шигырьләрен сөйләделәр. Чара бик җанлы үтте.